18 اگست ، 2024 
پاکستان
فوٹو: فائل
اسلام آباد میں گاڑی کی ٹکر سے شہری جاں بحق، غیر ملکی ڈرائیور زیر حراست
18 اگست ، 2024
اسلام آباد میں گاڑی کی ٹکر سے ایک شخص جاں بحق ہوگیا جبکہ پولیس نے گاڑی کے غیر ملکی ڈرائیور کو حراست میں لے لیا۔
ریسکیو ذرائع کے مطابق ایف9 پارک کے قریب گاڑی کی ٹکر سے جاں بحق ہونے والے شہری کی شناخت 23 سالہ ولی اللہ کے نام سے ہوئی ہے۔
شہری سے ٹکرانے کے بعد گاڑی بھی الٹ گئی جس سے گاڑی کا ڈرائیور بھی زخمی ہوگیا۔
پولیس ذرائع کے مطابق گاڑی ڈرائیور کو پولیس نے حراست میں لے کر تھانہ مارگلہ منتقل کردیا ہے۔
گاڑی کا زیر حراست ڈرائیور غیرملکی ہے جس کے خلاف مقدمہ جاں بحق شہری کے بھائی کی مدعیت میں درج کیا گیا ہے۔
تھانہ مارگلہ میں درج مقدمے میں تیز رفتار ڈرائیونگ سے قتل کرنے کی دفعات لگائی گئی ہیں۔
