21 اگست ، 2024 
پاکستان
فوٹو: فائل
بلوچستان میں ڈھائی ماہ کے دوران بارشوں سے 29 افراد جاں بحق، رپورٹ جاری
21 اگست ، 2024
کوئٹہ: صوبائی ڈیزاسٹر منیجمنٹ اتھارٹی (پی ڈی ایم اے) نے 7 جون سے اب تک بلوچستان میں بارشوں سے ہونے والے نقصانات کی رپورٹ جاری کردی۔
پی ڈی ایم اے کے مطابق بلوچستان میں بارشوں سے ڈھائی ماہ کے دوران 29 افراد جاں بحق ہوئے، جاں بحق ہونے والوں میں 15 مرد، 13بچے اور ایک خاتون شامل ہے۔
رپورٹ کے مطابق بارشوں کے باعث مختلف حادثات میں 37 افراد زخمی بھی ہوئے۔
بارشوں سے 150 مویشی ہلاک ہوئے جبکہ412 ایکڑ زرعی زمین پر فصلیں تباہ ہوگئیں۔
بارشوں سے 235 مکانات مکمل تباہ ہوگئے جبکہ 602 مکانات کو جزوی نقصان پہنچا، بارشوں سے 7 پلوں، 52 شاہراہوں کو نقصان پہنچا۔
