آج رات سے کراچی میں شدید بارشوں کا امکان

کراچی: آج رات سے کراچی سمیت لاہور، اسلام آباد اور بلوچستان کے مختلف علاقوں میں شدید بارشوں کا امکان ہے۔

چیف میٹرولوجسٹ سردار سرفراز کی جانب سے بتایا گیا ہے کہ آج رات سے کراچی میں شدید بارشوں کا امکان ہے، شہر میں بارش کا سلسلہ آئندہ 3 سے 4 روز تک جاری رہے گا۔

انہوں نے بتایا کہ 28 اگست کے بعد مون سون سسٹم میں مزید شدت آنے کا امکان ہے اور اس دوران 150 ملی میٹر تک بارش متوقع ہے۔

سردار سرفراز کے مطابق گزشتہ رات گلشن حدید میں 42 ملی میٹر بارش ریکارڈ کی گئی جبکہ ناظم آباد میں 26 ملی میٹر بارش ریکارڈ ہوئی۔

دوسری جانب چیف میٹرولوجسٹ نے یہ بھی بتایا کہ لاہور میں آج شام اور کل صبح شدید بارش کا امکان ہے، راولپنڈی اور اسلام آباد سمیت بلوچستان کے مختلف علاقوں میں بھی بارش متوقع ہے۔

کراچی کے مختلف علاقوں میں گرج چمک اور تیز ہواؤں کے ساتھ موسلادھار بارش

بارش کے ساتھ گرج چمک اور تیز ہواؤں کا سلسلہ بھی جاری رہا

آئندہ چند روزمیں موسلادھار بارشوں کا امکان، کراچی میں کتنے ملی میٹر بارش ہو سکتی ہے؟

سندھ میں آج بارش کا سسٹم داخل ہوگاجو31 اگست تک جاری رہے گا: چیف میٹرولوجسٹ سردار سرفراز