27 اگست ، 2024 
شکیب پر قتل کا مقدمہ: بنگلادیشی کرکٹرز سابق کپتان کی حمایت میں کھل کر سامنے آگئے
27 اگست ، 2024
بنگلا دیش کے اسٹار آل راؤنڈر شکیب الحسن پر قتل مقدمے کے خلاف بنگلادیشی کپتان نجم الحسین شنٹو اور تجربے کار وکٹ کیپر بیٹر مشفیق الرحیم سابق کپتان کی حمایت میں سامنے آگئے۔
بنگلا دیش ٹیم کے آل راؤنڈر اور عوامی لیگ سے تعلق رکھنے والے سابق رکن اسمبلی شکیب الحسن پر ڈھاکا میں قتل کا مقدمہ درج کیا گیا ہے، قتل کے مقدمے پر بنگلا دیش کرکٹ بورڈ (بی سی بی) کو لیگل نوٹس بھی بھجوایا گیا ہے۔
بنگلادیشی میڈیا کے مطابق شکیب الحسن پر ڈھاکا میں گارمنٹ فیکٹری کے ملازم کے قتل کا الزام عائدکیا گیا ہے، بتایا گیا ہے کہ مقتول کے والد نے ڈھاکا کے تھانے میں شکیب الحسن کے خلاف قتل کا مقدمہ درج کرایا ہے۔
تاہم اب بنگلادیشی ٹیم کے موجود ہ کپتان نجم الحسین شنٹو اور مشفیق الرحیم نے شکیب الحسن کی حمایت کی ہے۔
بنگلادیشی کپتان نجم الحسین شنٹو کا کہنا تھا کہ شکیب الحسن نے دنیائےکرکٹ میں 17 برس ملک کا نام بلند رکھا، شکیب الحسن ہمارے ملک کا بڑا اثاثہ ہیں، ان پر قتل کا کیس غیرمتوقع ہے۔
دوسری جانب مشفیق الرحیم نے کہا کہ شکیب الحسن کے خلاف غلط الزامات کی حمایت نہیں کرتا، شکیب الحسن کبھی غیر انسانی کام نہیں کر سکتے۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
میسی کا 14 سال بعد بھارت میں فٹبال میچ کھیلنے کا امکان
20 نومبر ، 2024
