28 اگست ، 2024 
پیشگی شرائط آڑے آگئیں، آئی ایم ایف ایگزیکٹو بورڈ اجلاس کے نئے شیڈول میں بھی پاکستان کا نام شامل نہیں
28 اگست ، 2024
آئی ایم ایف کے ایگزیکٹیو بورڈ کا نیا شیڈول جاری کر دیا گیا ہے تاہم پاکستان کا نام اب بھی بورڈ کے ایجنڈے میں شامل نہیں ہے۔
آئی ایم ایف کے ایگزیکٹو بورڈ کے اجلاس کا 6 ستمبر تک کا شیڈول جاری کر دیا گیا ہے جس میں ویتنام، یوگنڈا اور ڈنمارک سمیت 7 ملکوں کا ایجنڈا شامل ہے۔
پاکستان سے متعلق آئی ایم ایف بورڈ میٹنگ پیشگی شرائط پوری ہونے کے بعد بلائے جانے کا امکان ہے۔
پاکستان نے آئی ایم ایف سے 7 ارب ڈالر کے بیل آؤٹ پیکج کی درخواست کر رکھی ہے اور 7 ارب ڈالر کے بیل آؤٹ پیکج کی حتمی منظوری آئی ایم ایف ایگزیکٹو بورڈ کے اجلاس میں دی جانی ہے۔
پاکستانی حکام پرامید ہیں کہ ستمبر میں ہی آئی ایم ایف کے ایگزیکٹو بورڈ کے اجلاس میں پاکستان کے لیے 7 ارب ڈالر قرض کی منظوری ہو جائے گی۔
ذرائع وزارت خزانہ کا کہنا ہے کہ حکومت 2 ارب ڈالر کی اضافی ایکسٹرنل فنانسنگ کی شرط جلد پوری کرنے کیلئے پُر امید ہے۔
ذرائع کے مطابق پاکستان نے سعودی عرب، چین اور یو اے ای سے 12 ارب ڈالر قرض رول اوور کرانےکیلئے بھی رابطے تیز کر دیے ہیں۔
وزارت خزانہ کے حکام کے مطابق پاکستان کے ذمہ سعودی عرب کا 5 ارب ڈالر، چین کا 4 ارب ڈالر اور متحدہ عرب امارات کا 3 ارب ڈالر واجب الادا ہے۔
پاکستان سعودی عرب سے ادھار تیل کی سہولت اور سرمایہ کاری کا خواہاں ہے، عالمی مالیاتی اداروں، دو طرفہ ممالک اور کمرشل بینکوں سے قرض لینے کی کوششیں جاری ہیں۔
خیال رہے کہ پاکستان اور آئی ایم ایف کے درمیان اسٹاف لیول معاہدہ 12 جولائی کو ہوا تھا۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
9 گھنٹے پہلے
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
