29 اگست ، 2024 
بہت جلد آپ گوگل جیمنائی کو واٹس ایپ میسجز بھیجنے کیلئے استعمال کرسکیں گے
29 اگست ، 2024
گوگل کی جانب سے اینڈرائیڈ فونز اور ٹیبلیٹس پر گوگل اسسٹنٹ کو جیمنائی سے تبدیل کیا جا رہا ہے۔
اس نئے آرٹی فیشل انٹیلی جنس (اے آئی) اسسٹنٹ کے ساتھ گوگل ایسا بہت کچھ کرنا چاہتا ہے جو گوگل اسسٹنٹ کرنے سے قاصر ہے۔
جی ہاں واقعی بہت جلد گوگل کے جیمنائی اے آئی اسسٹنٹ کو میسجنگ ایپس جیسے واٹس ایپ پر استعمال کرنا ممکن ہو جائے گا۔
اینڈرائیڈ اتھارٹی کی ایک رپورٹ کے مطابق اینڈرائیڈ ڈیوائسز کی سیٹنگز میں ایسی تبدیلیاں کی جا رہی ہیں جس کے ذریعے صارفین جیمنائی کو مختلف سروسز جیسے واٹس ایپ، گوگل میسجز اور دیگر کے لیے استعمال کرسکیں گے۔
گوگل میسج ایکسٹینشن کے ذریعے صارفین وائس کمانڈز استعمال کرکے میسجز کو پڑھنے کے ساتھ ساتھ ریپلائی کرسکیں گے۔
واٹس ایپ ایکسٹینشن میں بھی یہ فیچرز موجود ہوں گے مگر اسے کال کرنے کے لیے بھی استعمال کیا جاسکے گا۔
اس کے ساتھ ساتھ جیمنائی نوٹیفکیشنز کو آرگنائز کرنے کا کام کرے گا جبکہ ان کی سمری بھی فراہم کرے گا۔
رپورٹ کے مطابق گوگل کی خواہش ہے کہ لوگ جیمنائی کو گوگل اسسٹنٹ کی نئی شکل سمجھنے کی بجائے اس پر انحصار کریں۔
واٹس ایپ کو 2 ارب سے زائد افراد دنیا بھر میں استعمال کرتے ہیں تو جیمنائی اے آئی کو اس کا حصہ بنانا قابل فہم ہے۔
کمپنی اسے اینڈرائیڈ 15 آپریٹنگ سسٹم کے ساتھ اکتوبر 2024 میں متعارف کرانے کی خواہشمند ہے۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
