30 اگست ، 2024 
پاکستان
فوٹو: فائل
خیبرپختونخوا کی صوبائی کابینہ میں ایک مشیر اور 3 معاونین خصوصی کو شامل کرنے کا فیصلہ
30 اگست ، 2024
وزیراعلیٰ خیبرپختونخوا علی امین گنڈاپور نے صوبائی کابینہ میں ایک مشیر اور 3 معاونین خصوصی کو شامل کرنے کا فیصلہ کیا ہے۔
وزیر اعلیٰ کے پی نے کابینہ میں اضافے سے متعلق سمری پر دستخط کر کے منظوری کیلئے گورنر فیصل کریم کُنڈی کو ارسال کر دی ہے۔
ذرائع کے مطابق خیبرپختونخوا کابینہ میں توسیع کرتے ہوئے احتشام علی کو مشیر صحت اور سہیل آفریدی کو معاون خصوصی کمیونیکیشن اینڈ ورکس بنائے جانے کا امکان ہے۔
ذرائع کا بتانا ہے کہ پیر مصورغازی کو معاون خصوصی برائے ماحولیاتی تبدیلی اور نیک محمد کو بھی معاون خصوصی برائے ریلیف بنائے جانے کا امکان ہے۔
ذرائع کے مطابق کے پی کابینہ میں توسیع کرتے ہوئے قاسم علی شاہ کو وزیرصحت سے ہٹا کر سماجی بہبود کا قلمدان دیے جانے کا امکان ہے۔
مزید خبریں :
ملتان میں فضائی معیار آج بھی انتہائی مضر صحت
2 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
