30 اگست ، 2024 
ہمایوں میرے ساتھ ہیرو آئے اب اپنی سے آدھی عمر کی لڑکی کے ساتھ بھی ہیرو ہیں: عتیقہ اوڈھو
30 اگست ، 2024
سینئر اداکارہ عتیقہ اوڈھو نے ڈھکے چھپے انداز میں مقبول ترین اداکار ہمایوں سعید کی عمر پر سوال اٹھادیا۔
ہمایوں سعید کا شمار پاکستان کے ایور گرین اداکاروں میں کیا جاتا ہے جن کی بڑھتی عمر بھی ان کے کیرئیر میں رکاوٹ نہیں بنی۔
حال ہی میں عتیقہ اوڈھو دیگر اداکاراؤں کے ہمراہ نجی ٹی وی کے ایک پروگرام میں شریک ہوئی تھیں جس دوران اداکارہ نے ہمایوں سعید کی یمنیٰ زیدی کے ساتھ بطور ہیرو کاسٹنگ سے متعلق گفتگو کی۔
دوران شو عتیقہ اوڈھو نے ازراہ مذاق سوال کیا کہ ہمایوں سعید کی کیا عمر ہوگی؟ جس پر شو میں موجود تمام لوگ ہنس پڑے ۔
بعد ازاں عتیقہ اوڈھو نے کہا کہ ’مرینہ خان اپنی ڈائریکشن میں مجھے اور ہمایوں کو ایک ساتھ کاسٹ کرچکی ہیں، اس وقت ہمایوں نے ہیرو اور میں نے بطور ہیروئن کام کیا تھا لیکن ہمایوں آج بھی ہیرو آرہے ہیں کیوں کہ لوگ انہیں دیکھنا چاہتے ہیں‘۔
عتیقہ اوڈھو نے ہمایوں اور یمنیٰ کے حالیہ ڈرامے کا حوالہ دیتے ہوئے کہا کہ میرا خیال ہے کہ’ یمنیٰ ہمایوں سے آدھی عمر کی ہے لیکن ہمایوں سعید آج بھی کامیاب اداکار ہیں، ساتھ ہی وہ آج بھی ہینڈسم ہیں سب سے بڑی بات انہوں نے خود کو maintain رکھا ہوا ہے،۔
اداکارہ نے مزید کہا کہ’ ہمارے لوگ آج بھی ہمایوں کو بطور ہیرو دیکھنا بھی چاہتے ہیں اور انہیں قبول بھی کرتے ہیں، دوسری جانب مجھے یمنیٰ زیدی پسند ہیں وہ ایک بہترین اداکارہ ہیں لیکن وہ بہت صاف گو ہیں‘۔
مزید خبریں :
سوناکشی کو کس اداکار نے بڑی عمر کا کہہ کر فلم سے نکلوایا تھا؟
20 دسمبر ، 2024
