پی ٹی آئی جلسے میں قومی ترانہ پڑھنےکے دوران قیادت کی اکثریت بیٹھی رہی

اسلام آباد میں پاکستان تحریک انصاف (پی ٹی آئی) کے جلسے میں جب قومی ترانہ پڑھا گیا تو  اسٹیج  پر موجود متعدد لوگ احتراماً کھڑے ہونےکے بجائے اپنی  نشستوں  پر  ہی بیٹھے  رہے۔

 قومی ترانہ پڑھنے کے دوران  اسٹیج پرموجود پی ٹی آئی کی قیادت میں اکثریت بیٹھی رہی جن میں  وزیراعلیٰ خیبرپختونخوا علی امین گنڈاپور بھی شامل تھے۔

اس موقع پر پی ٹی آئی رہنما اور  اسٹیج سیکرٹری فیصل جاوید خان نے قومی ترانہ درمیان میں رکوا کر دوبارہ چلوایا۔

فیصل جاوید خان کا کہنا تھا کہ  قومی ترانہ چلایا جارہا ہے،انتہائی نظم و ضبط کا مظاہرہ کریں۔

فیصل جاوید نے قومی ترانہ دوبارہ چلوایا جس کے بعد اسٹیج پر موجود  رہنما  احتراماً کھڑے ہوئے۔

پی ٹی آئی جلسے کا وقت ختم، ضلعی انتظامیہ نے پولیس کو کارروائی کے احکامات جاری کردیے

جلسہ گاہ فوری خالی کی جائے، ڈسٹرکٹ مجسٹریٹ کا حکم، 26 نمبر چونگی پولیس کے روکنے پر جلسے کے شرکا نے پتھراؤ کیا، جلسے کے شرکاکے پتھراؤ سے متعدد پولیس اہلکار زخمی ہوگئے: ذرائع

اسلام آباد میں پی ٹی آئی کارکنوں کے پتھراؤ سے متعدد پولیس اہلکار زخمی، ایف سی طلب کرلی گئی

روٹ کی خلاف ورزی کرکے آنے والے جلسے کے شرکاء نے پولیس اہلکاروں پر شدید پتھراؤ کیا، پتھراؤ سے ایس ایس پی سیف سٹی اور متعدد پولیس اہلکار زخمی ہوگئے