09 ستمبر ، 2024 
پاکستان
ماموں سے ناراض ہو کر داتا دربار پہنچی تھی، ایک خاتون بیٹی بنانے کا جھانسا دیکر پڈعیدن لے آئی: لڑکی کا بیان۔ فوٹو فائل
داتا دربار لاہور سے لاپتا 14 سالہ لڑکی پڈعیدن تھانے پہنچ گئی
09 ستمبر ، 2024
پڈعیدن: داتادربار لاہور سے لاپتا ہونے والی 14 سال کی لڑکی پڈعیدن تھانے پہنچ گئی۔
پولیس کے مطابق لڑکی نے اپنے بیان میں کہا کہ ماموں سے ناراض ہو کر داتا دربار پہنچی تھی، ایک خاتون بیٹی بنانے کا جھانسا دیکر پڈعیدن لے آئی، پڈعیدن لاکر خاتون نے اپنے بیٹے سے میرا زبردستی نکاح کروا دیا۔
لڑکی نے بیان میں کہا کہ میں اپنے گھر حاجی کیمپ لاہور جانا چاہتی ہوں، لڑکی کے بیان پر تفتیش کی جا رہی ہے، لڑکی کے ماموں سے لاہور میں رابطہ کیا گیا ہے، کل عدالت میں پیش کیا جائے گا۔
