09 ستمبر ، 2024 
یو اے ای نے اپنے ایٹمی بجلی گھر کی دیکھ بھال کی ذمہ داری بھارت کے سپرد کر دی
09 ستمبر ، 2024
متحدہ عرب امارات نے اپنے برکہ ایٹمی بجلی گھر کی دیکھ بھال اور آپریشنز کی ذمہ داری بھارتی ادارے کے سپرد کر دی۔
بھارتی میڈیا کے مطابق اتوار کو ابوظبی کے ولی عہد شیخ خالدبن محمد بن زاید بھارت کے دورہ پر نئی دلی پہنچے۔
پیر کو بھارتی وزیر اعظم نریندر مودی اور ولی عہد شیخ خالدبن محمد بن زاید کی ملاقات ہوئی، اس موقع پر دونوں ممالک نے توانائی کے تعاون کو فروغ دینے کے لیے 4 مفاہمتی یادداشت پر دستخط کیے۔
رپورٹ میں بتایا گیا کہ بھارت اوریو اے ای جوہری توانائی میں اسٹریٹیجک شراکت داری کریں گے۔
بھارتی میڈیا کے مطابق ابوظبی نیشنل آئل کمپنی اور انڈین آئل کارپوریشن لمیٹڈ کے درمیان طویل مدتی ایل این جی سپلائی کا معاہدہ بھی ہوا۔
اس کے علاوہ امارات نیوکلیئر انرجی کمپنی اور نیوکلیئر پاور کارپوریشن آف انڈیا لمیٹڈ نے برکہ نیوکلیئر پاور پلانٹ کے آپریشن اور دیکھ بھال کے لیے ایک مفاہمت نامے پر دستخط کیے ۔
مزید خبریں :
کرد عوام کیلئے تحفظ شام کے محفوظ مستقبل کیلئے بہت اہم ہے: جرمنی
21 دسمبر ، 2024
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
