10 ستمبر ، 2024 
مسلسل 13 فائٹس جیتنے والے پاکستانی باکسر عثمان نے اگلی انٹرنیشنل فائٹ کا اعلان کردیا
10 ستمبر ، 2024
پاکستان کے پروفیشنل باکسر عثمان وزیر نے اپنی اگلی انٹرنیشنل فائٹ کا اعلان کردیا ہے۔
مسلسل 13 فائٹس جیتنے والے پاکستانی پروفیشنل باکسر عثمان وزیر 26 ستمبر کو بھارت کے باکسر کملدیپ جوروال کے ساتھ رنگ میں مدِ مقابل ہوں گے۔ یہ پاک بھارت مقابلہ تھائی لینڈ میں منعقد ہوگا۔
فائٹ کا اعلان عثمان وزیر نے اسلام آباد میں ایک پریس کانفرنس کے دوران کیا۔
عثمان وزیر نے اپنے کیریئر میں اب تک مسلسل 13 فائٹس جیتی ہیں اور وہ بھارت کے باکسر کے خلاف کامیابی کے ساتھ اپنے جیت کے سلسلے کو برقرار رکھنے کے لیے پراُمید ہیں۔
دوسری جانب انڈین باکسر کملدیپ جوروال بھی مسلسل 7 فائٹس سے ناقابل شکست ہیں، جو اس مقابلے کو مزید دلچسپ بنا رہا ہے۔
عثمان وزیر کا ماننا ہے کہ یہ مقابلہ باکسنگ کے شائقین کے لیے ایک سنسنی خیز معرکہ ثابت ہوگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
