15 ستمبر ، 2024 
پاکستان
حکومتی وفد کے مولانا سے ملاقات کے بعد پی ٹی آئی کا وفد مولانا فضل الرحمان کی رہائش گاہ پہنچا— فوٹو: مریم نواز
آئینی ترمیم پر مذاکرات: فضل الرحمان کی اقتدا میں پی ٹی آئی رہنماؤں نے نمازمغرب ادا کی
15 ستمبر ، 2024
اسلام آباد:آئینی ترمیم کے حو الے سے مذاکرات کے دوران مولانا فضل الرحمان کی رہائش گاہ پر باجماعت نماز مغرب ادا کی گئی۔
مولانا فضل الرحمان کی امامت میں پی ٹی آئی رہنماؤں نےنماز مغرب ادا کی۔
خیال رہے کہ حکومتی وفد کے مولانا سے ملاقات کے بعد پی ٹی آئی کا وفد مولانا فضل الرحمان کی رہائش گاہ پہنچا۔
شبلی فراز اور اسدقیصر مولانافضل الرحمان کی رہائش گاہ پہنچے، ذرائع کے مطابق وفد مولانافضل الرحمان سے آئینی ترامیم کےمجوزہ پیکج پرتبادلہ خیال کرےگا اور انہیں مجوزہ آئینی ترامیم میں اپوزیشن اتحاد میں ساتھ رکھنے پر آمادہ کرےگا۔
اُدھر ذرائع کے مطابق نوازشریف، وزیراعظم شہبازشریف اور اسحاق ڈار کچھ دیر بعد مولانا فضل الرحمان کے پاس جائیں گے۔
