حملوں کا خطرہ: اسرائیل نے شمال میں رہنے والے آبادکاروں کو ہتھیار بانٹنا شروع کردیے

اسرائیل نے لبنان کے ساتھ لگنے والی شمالی سرحد کے قریب رہنے والے لوگوں میں 9 ہزار  سے زائد جدید رائفلز تقسیم کردیں۔

غیر ملکی میڈیا کے مطابق اسرائیلی وزارت دفاع اور فوج نے ملک کے شمال میں رہنے والی آبادیوں میں 9 ہزار سے زائد جدید رائفلز تقسیم کی ہیں۔

خبر کے مطابق 13 ملین ڈالر سے خریدی گئی 9 ہزار آئی ڈبلیو آئی ارد (IWI Arad) رائفلز ملک کے شمال میں رہنے والی 97 مختلف کمیونٹیز کے افراد میں تقسیم کی گئی ہیں۔

اسرائیلی وزارت دفاع کا کہنا ہے کہ ہتھیار تقسیم کرنے کا مقصد شہریوں کی حفاظت کے لیے قائم سول ڈیفنس اسکواڈ کو مضبوط بنانا ہے جو 7 اکتوبر کے حملے میں بہادری سے لڑے۔

یاد رہے کہ اسرائیل کے شمالی علاقے لبنان کی سرحد سے ملتے ہیں جہاں 7 اکتوبر کے بعد سے مزاحمتی تنظیم حزب اللہ کی جانب سے مسلسل اسرائیل پر راکٹ حملے کیے جارہے ہیں اور اس کے جواب میں اسرائیلی طیارے بھی لبنان کی حدود میں جاکر بمباری کرتے ہیں۔ 

ہمیں نقصان پہنچانے والے غزہ کو دیکھ لیں، اسرائیلی وزیراعظم کی یمنی حوثیوں کو دھمکی

اسرائیلی وزیر اعظم کا دھمکی آمیز بیان آج یمنی حوثیوں کی جانب سے اسرائیل پر ہائپر سونک میزائل سے حملہ کیے جانے کے بعد سامنے آیا ہے۔

حوثیوں کا اسرائیل پر ہائپر سونک بیلسٹک میزائل سے حملہ، متعدد افراد زخمی

ہائپر سونک بیلسٹک میزائل نے 2000 کلومیٹر سے زائد کا سفر صرف 11 منٹ میں طے کیا اور اسرائیل میں اپنے ٹارگٹ تک پہنچا، حوثی ترجمان