پولیس لائنز پشاور کی مسجد کے خودکش دھماکے میں ملوث مطلوب دہشتگرد گرفتار

پشاور میں پولیس لائنز مسجد خودکش دھماکے میں مطلوب دہشتگرد کو گرفتار کرلیا گیا۔

پولیس کے مطابق مطلوب دہشتگرد کو بڑی مہارت سے گرفتار کیا گیا جس کی شناخت   فی الوقت ظاہر نہیں کی جاسکتی۔

پولیس نے بتایاکہ گرفتار دہشتگرد گزشتہ سال سے پولیس اور دیگر اداروں کو انتہائی مطلوب تھا، شدت پسند سے تفتیش شروع کر دی گئی ہے اور ابتدائی تفتیش کے دوران اہم انکشافات متوقع ہیں۔

پولیس کا کہنا ہے کہ گرفتار دہشتگرد کا ورسک روڈ اور اڑمر پولیس پرحملوں میں ملوث گروہ سے بھی تعلق کا انکشاف ہوا ہے، دونوں حملوں میں استعمال ہونے والا اسلحہ و باورد کی میچنگ ہوئی ہے۔ 

پشاور: پولیس لائنز کی مسجد میں خودکش دھماکا، شہداء کی تعداد 72 ہوگئی، 150 سے زائد زخمی

دھماکا نماز ظہر کے دوران پولیس لائنز کی مسجد میں ہوا، خودکش حملہ آور مسجد کی پہلی صف میں موجود تھا: سکیورٹی حکام

پولیس کے مطابق گرفتار ملزم نے دیگر حملوں کی بھی ذمہ داری قبول کی ہے۔

خیال رہے کہ پولیس لائنز مسجد پشاور میں 30 جنوری 2023 کو خودکش دھماکا ہواتھا جن میں امام مسجد اور پولیس اہلکاروں سمیت 72 نمازی شہید اور 157 زخمی ہوئے تھے۔