جان باس نے پاکستان میں اقتصادی، سلامتی امور پر بات کی، میتھیو ملر

ترجمان امریکی محکمہ خارجہ میتھیو ملر کا کہنا ہے کہ قائم مقام امریکی نائب وزیرخارجہ جان باس نے پاکستان میں اقتصادی اور سلامتی امور پر تعاون بڑھانے پر بات کی ہے.

واشنگٹن میں پریس بریفنگ دیتے ہوئے میتھیو ملر نے مزید کہا کہ جان باس نے علاقائی استحکام، خوشحالی کی اہمیت پر بھی بات کی۔

انہوں نے کہا کہ جان باس نے امریکا میں افغانوں کی آبادکاری میں مدد کیلئے پاکستان کے تعاون پر شکریہ ادا کیا۔

میتھیو ملر کا کہنا تھا کہ امریکا متعلقہ معاملات پر حکومت پاکستان کے ساتھ مل کر کام کرتا رہے گا۔