17 ستمبر ، 2024 
پاکستان
جن ترامیم پر اتفاق ہے وہ اکتوبر کے پہلے ہفتے میں منظور کرائی جاسکتی ہیں: وزیراعظم کے مشیر برائے سیاسی امور/ فائل فوٹو
مجوزہ آئینی ترامیم پر پی ٹی آئی سے غیر رسمی بات ہوئی ہے: رانا ثنااللہ
17 ستمبر ، 2024
اسلام آباد: وزیر اعظم کے مشیر برائے سیاسی امور رانا ثنا اللہ نے کہا ہے کہ مجوزہ آئینی ترامیم کے مسودے پر پی ٹی آئی سے بھی غیر رسمی بات ہوئی ہے۔
جیونیوز کے پروگرام جیو پاکستان میں گفتگو کرتے ہوئے رانا ثنااللہ نے کہا کہ جن ترامیم پر اتفاق ہے وہ اکتوبر کے پہلے ہفتے میں منظور کرائی جاسکتی ہیں، وقتی طور پر کامیابی نہ ملنا حکومت کی ناکامی نہیں ہے۔
انہوں نےکہا کہ مجوزہ آئینی ترامیم کے مسودے پر پی ٹی آئی سے بھی غیر رسمی بات ہوئی ہے اور وہ بھی سمجھتے ہیں کہ ترامیم سے بہتری آئے گی۔
مشیر سیاسی امور کا کہنا تھا کہ کہ عدالتی نظام کام نہیں کررہا جس کی وجہ سے دیگر معاملات بھی آگے نہیں بڑھ رہے۔
