پاکستان کے اسجد اقبال اور اویس منیر اسنوکر ورلڈ کپ کے کوارٹر فائنل میں پہنچ گئے

منگولیا میں جاری اسنوکر ورلڈ کپ میں پاکستان کے دونوں کھلاڑی اسجد اقبال اور اویس منیر کوارٹر فائنل میں پہنچ گئے۔

پری کوارٹر فائنل میں اسجد اقبال کا مقابلہ ہانگ کانگ کے چینگ یو کیو سے تھا جس میں پاکستانی کھلاڑی نے شاندار کھیل کا مظاہرہ کرتے ہوئے حریف کو 4-1 سے شکست دی۔

پہلا فریم ہارنے کے بعد اسجد نے عمدہ کھیل پیش کیا اور اگلے چار فریم مسلسل جیت کر  کوارٹر فائنل میں جگہ بنالی۔

پاکستان کے دوسرے کیوسٹ اویس منیر نے بھی ہانگ کانگ کے کھلاڑی چاؤ ہومن کو 4-2 سے ہرایا۔

پاکستان کے اویس منیر اور اسجد اقبال نے اسنوکر ورلڈ کپ کے راؤنڈ آف 16 میں جگہ بنالی

دونوں کھلاڑی اپنے اپنے گروپ میں پہلے نمبر پر ہیں اور براہ راست پری کوارٹر فائنل میں جگہ بنا چکے ہیں۔

اسنوکر ورلڈ کپ: پاکستانی کھلاڑیوں نے اپنے دونوں میچز جیت لیے

اسجد اقبال اور اویس منیر نے اپنے دونوں ہی میچز میں بغیر کوئی فریم ڈراپ کیے کامیابیاں سمیٹیں