18 ستمبر ، 2024 
گوگل سرچ میں اب اے آئی تصاویر کو شناخت کرنا آسان ہو جائے گا
18 ستمبر ، 2024
گوگل نے اپنے سرچ انجن کے لیے ایک نیا فیچر متعارف کرانے کا اعلان کیا ہے تاکہ صارفین کو یہ سمجھنے میں مدد ملے کہ کسی مواد کا مخصوص حصہ کیسے تیار کیا گیا اور کیسے اسے مزید بدلا گیا۔
اس فیچر کا مقصد سرچ انجن میں آرٹی فیشل انٹیلی جنس (اے آئی) ٹیکنالوجی پر مبنی گمراہ کن مواد کو پھیلنے سے روکنا ہے۔
کمپنی کے مطابق یہ نیا فیچر آئندہ چند ماہ میں صارفین کو دستیاب ہوگا جس کے لیے مواد کی جانچ پڑتال سے متعلق موجودہ گائیڈلائنز کو استعمال کیا جائے گا۔
ان گائیڈلائنز کے تحت اے آئی سے بنی یا ایڈٹ کی گئی تصاویر پر لیبل لگائے جائیں گے تاکہ صارفین کو ان کی حقیقت کا علم ہوسکے۔
تصویر کے ساتھ دیگر تفصیلات بھی موجود ہوں گی جیسے اسے کب ، کہاں اور کیسے تیار کیا گیا اور اس کا سورس کیا ہے۔
کمپنی کے مطابق گوگل سرچ میں اباؤٹ امیج آپشن کے ذریعے صارفین دیکھ سکیں گے کہ تصویر اے آئی سے بنی ہے یا نہیں۔
حیران کن بات یہ ہے کہ اے آئی سے بنی تصویر پر لیبل کو اباؤٹ امیج میں چھپا کر رکھا جائے گا، یعنی وہ تصویر کے اوپر نہیں ہوگا بلکہ آپ کو خود اسے تلاش کرنا ہوگا۔
اس سے قبل گوگل سمیت ایمازون، اڈوب اور مائیکرو سافٹ Coalition for Content Provenance and Authenticity (سی 2 پی اے) کے رکن بنے تھے۔
سی 2 پی اے تشکیل دینے کا مقصد بھی گمراہ کن اے آئی مواد کے پھیلنے سے روکنا اور اس کے لیے ایک نیا اسٹینڈرڈ تیار کرنا ہے۔
اس اسٹینڈرڈ کا مقصد صارفین کو مختلف میڈیا فائلز کے ماخذ کو تلاش کرنے میں مدد فراہم کرنا ہوگا۔
مزید خبریں :
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
ایپل کا سب سے پتلا آئی فون دیکھنے میں کیسا ہوگا؟
20 دسمبر ، 2024
کیا آپ کو معلوم ہے کہ لیزر کن الفاظ کا مخفف ہے؟
18 دسمبر ، 2024
