میوزک پر افغان حکومت کی پالیسی کی وجہ سے قونصل جنرل قومی ترانے پرکھڑے نہیں ہوئے: علی امین

پشاور:  وزیراعلیٰ خیبر پختونخوا علی امین گنڈاپور  نےکہا ہےکہ  قومی ترانےکے واقعے پر افغان  حکومت کی وضاحت سامنے آگئی ہے انہیں کچھ کہنےکی ضرورت نہیں۔

وزیراعلیٰ خیبر پختونخوا نے پشاور میں میڈیا سےگفتگو میں کہا کہ  افغان قونصل جنرل نے مؤقف دے دیا ہے، ایسی کوئی بات نہیں کہ وہ ہمارے قومی ترانےکی عزت نہیں کرتے، میوزک کے بارے میں افغان حکومت کی پالیسی ہے، جس کی وجہ سے وہ کھڑے نہیں ہوئے۔

 علی امین گنڈاپورکا کہناتھا کہ قبائلی اضلاع میں جرگہ نظام بحال ہوگا، ادارے اور پولیس جرگے کے ساتھ مل کر امن وامان قائم کرنے میں کردارادا کریں گے، ہم قبائلی علاقوں کے حالات سے غافل نہیں۔

ان کا کہنا تھا کہ لاہور  جلسےکی بھر پور تیاریاں جاری ہیں،  جو بھی ہوگا  آگے  پتہ چلےگا۔

پشاور: افغان قونصل جنرل کی سفارتی آداب کی خلاف ورزی، قومی ترانے کے احترام میں کھڑے نہ ہوئے

افغان قونصل جنرل کا قومی ترانے کے احترام میں کھڑا نہ ہونا سفارتی آداب کی خلاف ورزی ہے: سرکاری ذرائع

ترانے میں میوزک تھا، اس لیے قونصل جنرل کھڑے نہیں ہوئے: افغان قونصلیٹ کا بیان

پشاور میں رحمت للعالمین ﷺ کانفرنس میں قومی ترانہ شروع ہوتے ہی شرکا احترام میں کھڑے ہوگئے، افغان قونصل جنرل قومی ترانے کے احترام میں کھڑے نہ ہوئے