19 ستمبر ، 2024 
'کیا میں لارنس بشنوئی کو بھیجوں'؟ سلمان خان کے والد کو ایک اور دھمکی موصول
19 ستمبر ، 2024
ممبئی: بالی وڈ سپر اسٹار سلمان خان کے والد سلیم خان کو ایک بار پھر دھمکی دی گئی ہے۔
بھارتی میڈیا کے مطابق سلمان خان کے والد سلیم خان کو دھمکی اس وقت دی گئی جب وہ جمعرات کی صبح ورزش کے لیے ممبئی میں اپنے گھر کے قریب موجود تھے۔
رپورٹس کے مطابق واک کے دوران ایک موٹرسائیکل سوار خاتون اور مرد سلیم خان کے پاس آئے جس کے بعد برقع پوش خاتون نے سلیم خان کے سامنے جیل میں قید گینگسٹر کا نام لیتے ہوئے کہا کہ ’کیا میں لارنس بشنوئی کو بھیجوں‘؟
بھارتی میڈیا کے مطابق ممبئی پولیس نے واقعہ کی رپورٹ درج کرکے تحقیقات کا آغاز کردیا تھا۔
واضح رہے کہ سلمان خان اور ان کے والد کو اس سے قبل 2022 میں بھی دھمکی آمیز خط موصول ہوا تھا جس میں لکھا ہوا تھا کہ ' موسے والا جیسا کر دوں گا'۔
اس سال مئی میں سلمان خان کے گھر پر فائرنگ بھی کی گئی تھی جس کے بعد گرفتار ملزم نے انکشاف کیا تھا کہ اس نے گینگسٹر لارنس بشنوئی کے کہنے پر فائرنگ کی۔
اس سے قبل پنجابی گلوکار سدھو موسے والا کے قتل کی ذمہ داری بھی گینگسٹر لارنس بشنوئی نے قبول کی تھی جس کے بعد اسے گرفتار کیا گیا تھا جب کہ بشنوئی سلمان خان کو بھی جان سے مارنے کی دھمکی دے چکا ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
