ہر عمر میں دماغ اور یادداشت کو بہتر بنانے کیلئے اس غذا کا استعمال عادت بنالیں

عمر بڑھنے کے ساتھ اپنے دماغ اور یادداشت کو بہتر رکھنا چاہتے ہیں تو ایک مخصوص غذا کا استعمال عادت بنالیں۔

یہ بات امریکا میں ہونے والی ایک طبی تحقیق میں سامنے آئی۔

Cincinnati یونیورسٹی کی تحقیق میں بتایا گیا کہ سبز پتوں والی سبزیوں جیسے پالک، سالم اناج، زیتون کے تیل، بیجوں، چکن اور گریوں پر مبنی غذا کا استعمال دماغی صحت کے لیے مفید ہوتا ہے۔

تحقیق میں مزید بتایا گیا کہ بیریز کا استعمال صحت کے لیے مفید ہوتا ہے جبکہ ہر ہفتے کم از کم ایک بار مچھلی کھانے سے بھی دماغی صحت کو فائدہ پہنچاتا ہے۔

سوشل میڈیا کا بہت زیادہ استعمال نوجوانوں کو مختلف ذہنی امراض کا شکار بنانے کا باعث

جو نوجوان روزانہ 3 گھنٹے سے زیادہ وقت سوشل میڈیا ایپس استعمال کرتے ہوئے گزارتے ہیں، ان میں ڈپریشن، انزائٹی اور تناؤ جیسے مسائل کا خطرہ بڑھ جاتا ہے۔

اس تحقیق میں 14 ہزار سے زائد افراد کو شامل کیا گیا تھا جن کی اوسط عمر 64 سال تھی۔

ان افراد کی صحت کا جائزہ 10 سال تک لیا گیا۔

اس عرصے میں ان سے غذائی عادات کے بارے میں سوالنامے بھروائے گئے اور اس کے مطابق انہیں 3 گروپس میں تقسیم کیا گیا۔

تحقیق کے دوران ڈیڑھ ہزار سے زائد افراد میں دماغی تنزلی کی تشخیص ہوئی۔

عمر، بلڈ پریشر، ذیابیطس اور دیگر تمام عناصر کو مدنظر رکھنے کے بعد دریافت ہوا کہ بیجوں، گریوں، زیتون کے تیل، مچھلی، سبز پتوں والی سبزیوں اور پھلوں کا زیادہ استعمال کرنے والے افراد میں عمر مٰں دماغی تنزلی کا خطرہ 4 فیصد تک گھٹ جاتا ہے۔

اینٹی بائیوٹک کے خلاف جراثیموں کی مزاحمت سے 2050 تک 4 کروڑ افراد ہلاک ہوسکتے ہیں، تحقیق

اینٹی بائیوٹک مزاحمت کے باعث ہونے والی ہلاکتوں میں مسلسل اضافہ ہو رہا ہے اور آنے والی دہائیوں یہ سلسلہ برقرار رہے گا۔

اس غذا سے خواتین کو زیادہ فائدہ ہوتا ہے جن میں دماغی تنزلی کا خطرہ 6 فیصد تک گھٹ جاتا ہے۔

محققین نے بتایا کہ دنیا بھر میں معمر افراد کی آبادی بڑھنے کے ساتھ ڈیمینشیا کا مرض بھی تیزی سے پھیل رہا ہے اور ضروری ہے کہ اس سے بچنے کے طریقوں کو دریافت کیا جائے۔

انہوں نے مزید بتایا کہ ہماری غذا دماغی تنزلی کے خطرے میں کمی لانے کے لیے اہم ثابت ہوتی ہے۔

ان کا کہنا تھا کہ اس حوالے سے مزید تحقیق کی ضرورت ہے مگر نتائج سے واضح ہوتا ہے کہ اچھی غذائی عادات سے آپ خود کو دماغی مسائل سے تحفظ فراہم کر سکتے ہیں۔

اس تحقیق کے نتائج جرنل نیورولوجی میں شائع ہوئے۔