'جج کا کام ڈیم بنانا نہیں' بلاول نے آئینی عدالت کے قیام کی حمایت کر دی

پیپلز پارٹی کے چیئرمین بلاول بھٹو زرداری نے آئینی عدالت کے قیام کی حمایت کردی۔

اسلام آباد میں بلاول بھٹو زرداری نے پیپلز لائرز فورم کے وکلاء نمائندگان سے خطاب کرتے ہوئے کہا کہ آئینی عدالت میثاق جمہوریت کے تحت قائم کی جانی چاہیے، آئینی عدالت کا قیام بے نظیر بھٹو کا وژن تھا۔

بلاول نے کہا کہ پاکستان میں روایت چلتی آرہی ہے کہ آپ کی رشتہ داری ہےتو آپ جج بنیں گے، اس کا نقصان ہمارے عدالتی عمل کو ہوا ہے،افتخار چوہدری کےعمل کو کبھی کوئی ثاقب کبھی کوئی گلزار آگے لیکر چلا۔

کوئی شک نہیں 26 اکتوبر 2024 کو اگلے چیف جسٹس منصورعلی شاہ ہوں گے: بلاول

ہمارےاورن لیگ کیلئے مشکل ہے پی ٹی آئی سے ان کی ان پٹ کے ساتھ آئینی ترمیم پربات کریں، پاکستان میں عدالتی اصلاحات کی ضرورت ہے: پی پی چیئرمین

انہوں نے کہا کہ جج کا کام ڈیم بنانا یا ٹماٹر پکوڑے کی قیمتیں طے کرنا نہیں بلکہ آئینی ذمے داریاں پوری کرنا ہے،ہمیں عدالتی تقرریوں کا عمل درست کرناہے، وفاق کے ساتھ ساتھ صوبوں میں بھی آئینی عدالتیں ہونی چاہئیں۔

بلاول کا کہنا تھا کہ پارلیمنٹ نےفیصلہ کیا کہ عوام کا فیصلہ ہوگا کون جج بنے گا،ہم چاہتے ہیں ہمارے وکلا کی آواز ہو،آئینی عدالت صوبے یا  وفاق میں ہے تو ان کی سنی جائے۔