پاکستان کے جے ایف17 سی لڑاکا طیارے آذربائیجان کی فضائیہ کے بیڑے میں شامل

باکو: پاکستان اور  چین کے اشتراک سے بنائے گئے جے ایف 17 سی (بلاک-III)  لڑاکا طیارے آذربائیجان کی فضائیہ کے بیڑے میں شامل کرلیےگئے۔

روسی خبر رساں ایجنسی کے مطابق آذر بائیجان کی وزارت دفاع نے  پاکستان کی جانب سے فراہم کردہ جےایف 17 سی جنگی طیارے آذربائیجان کی فضائیہ کے بیڑے میں شامل کرنے کا اعلان کیا ہے۔

خبرایجنسی کے مطابق آذربائیجان کے صدر الہام علیوف نے پاکستانی فوجی حکام کے ہمراہ طیارے کی مہارت کا مشاہدہ کیا۔ صدر الہام علیوف نے جہاز میں بیٹھ کر بھی اس کا جائزہ لیا۔

خبرایجنسی کا کہنا ہے کہ جےایف 17 سی طیارے پاکستان ایروناٹیکل کمپلیکس اور  چین کی چینگڈو ائیرکرافٹ کارپوریشن کےاشتراک سے بنائےگئے ہیں۔

روسی خبر رساں ایجنسی کے مطابق رواں سال کے آغاز میں پاکستانی میڈیا نے رپورٹ کیا تھا کہ آذربائیجان JF-17C طیاروں کی خریداری کا ارادہ رکھتا ہے، یہ معاہدہ تقریباً 1.6 ارب ڈالر کی مالیت کا ہے۔

رپورٹ کے مطابق یہ جدید، ہلکے اور  ہر موسم کے طیارے ہیں، جو  دن اور  رات  میں آپریشنز کے لیے ڈیزائن کیےگئے ہیں۔

پاک فضائیہ کے جے ایف17 تھنڈربلاک 3 کی پہلی باربین الاقوامی ائیرشو میں نمائش

دبئی ائیر شو میں جنگی جہاز وں سمیت کمرشل جہاز بھی موجود ہیں، پاکستان کے جے ایف 17 تھنڈر اور سپر مشاق بھی ائیر شو کی رونق ہیں

پاکستان ارجنٹائن کو 12 جے ایف 17 تھنڈر طیارے فروخت کرےگا

ارجنٹائن کی فضائیہ نے امریکا، روس اور بھارت کی پیش کشیں مستردکرکے پاکستان سے جنگی طیارے خریدنےکا فیصلہ کیا ہے، رپورٹ