زمین 'دوسرے چاند' کا خیرمقدم کرنے کے لیے تیار

ویسے تو کروڑوں برسوں سے ہماری زمین کے گرد بس ایک ہی چاند چکر لگا رہا ہے مگر اب ہمارا سیارہ ایک اور چاند کا خیرمقدم کرنے کے لیے تیار ہے۔

2024 پی ٹی ایس نامی سیارچہ 2 ماہ کے لیے ہماری زمین کا چھوٹا چاند یا منی مون (mini moon) بننے والا ہے۔

29 ستمبر سے یہ سیارچہ زمین کے مدار میں چکر لگانا شروع کرے گا اور 25 نومبر تک یہاں موجود رہے گا۔

اس سیارچے کو امریکی خلائی ادارے ناسا کے ایک پراجیکٹ نے اگست 2024 میں دریافت کیا تھا اور اب وہ زمین تک پہنچ گیا ہے۔

چند دنوں میں دوسرا عارضی چاند زمین کے گرد موجود ہوگا: ماہر فلکیات

سیارچہ زمین کے مدار میں داخل ہو کر عارضی چاند بن سکتا ہے اور ایسے واقعات شاذ و نادر ہی ہوتے ہیں، ماہر فلکیات پروفیسر ڈاکٹر جاوید اقبال

یہ سیارچہ ارجنا نامی سیارچوں کی پٹی کا حصہ ہے جو سورج کے گرد گھومتا ہے۔

مگر اب وہ زمین کے قریب پہنچ گیا ہے اور ہمارے سیارے کی کشش اسے مزید قریب لے آئی ہے۔

نومبر کے آخر میں وہ زمین کے مدار سے نکل جائے گا اور نظام شمسی میں اپنا سفر جاری رکھے گا۔

سائنسدانوں کے خیال میں یہ زمین کے 25 فیصد حصے کے گرد چکر لگائے گا۔

یہ چاند ہمارے لیے دیکھنا ممکن نہیں ہوگا بلکہ چھوٹی ٹیلی اسکوپ سے بھی نظر نہیں آئے گا۔

یہ سیارچہ 2055 میں ایک بار پھر واپس لوٹے گا اور ہوسکتا ہے کہ اس وقت پھر زمین کا منی مون بن جائے مگر ابھی کچھ کہنا ممکن نہیں۔