پاک انگلینڈ ٹیسٹ: بنگلادیش کیخلاف 2 ٹیسٹ کھیلنے والی بیٹنگ لائن برقرار رکھنےکا فیصلہ

پاکستان اور  انگلینڈ کے درمیان تین ٹیسٹ پر مشتمل سیریز کا پہلا ٹیسٹ 7 اکتوبر سے ملتان میں شروع ہو نے جا رہا ہے جس میں بنگلا دیش کے خلاف 2 ٹیسٹ کھیلنے والی بیٹنگ لائن کو ایک اور  موقع دینےکا فیصلہ کیا گیا ہے۔

ٹیسٹ سے دو دن پہلے انگلینڈ نے اولی پاپ کی قیادت میں کھیلنے والی 11  ارکان پر مشتمل ٹیم کا اعلان کر دیا ہے، البتہ شان مسعود کی قیادت میں کھیلنے والی پاکستان ٹیم کے 11 کھلاڑیوں کے نام ٹاس سے پہلے سامنے آئیں گے، تاہم  ملتان سے موصول اطلاعات کے مطابق ہیڈ کوچ جیسن گلیسپی اور کپتان شان مسعود نے بنگلا دیش کے خلاف 2 ٹیسٹ کھیلنے والی بیٹنگ لائن اپ کو ایک اور موقع دینے کا فیصلہ کیا ہے۔

پاکستان کو تاریخی شکست، بنگلادیش نے پہلی بار ٹیسٹ سیریز میں وائٹ واش کردیا

اس سے قبل پنڈی میں کھیلے گئے پہلے ٹیسٹ میچ میں بھی بنگلادیش نے قومی ٹیم کو دس وکٹوں سے شکست دی تھی

بنگلا دیش کے خلاف 2 ٹیسٹ میں پاکستان نے 13 کھلاڑیوں کو موقع دیا تھا،  دونوں ٹیسٹ میں ایک سے نمبر سات تک بیٹنگ لائن اپ میں تبدیلی نہیں کی گئی تھی۔ بنگلا دیش کے خلاف 2 ٹیسٹ کی 4 اننگز  میں وکٹ کیپر محمد رضوان 98.00 کی اوسط سے 294 رنز بنا کر سر فہرست رہے تھے، نائب کپتان سعود شکیل نے سیریز میں محمد رضوان کے علاوہ قومی ٹیم کے لیے دوسری سینچری بنائی تھی۔

البتہ  راولپنڈی ٹیسٹ کی پہلی اننگز  میں 141 رنز کی اننگز کھیلنے والے بائیں ہاتھ کے بلے باز اگلی تین اننگز میں صرف 18 رنز بنا سکے تھے۔ سابق کپتان اور  تجربہ کار  بلے باز بابر اعظم چار اننگز میں صرف 64 رنز اسکور کر سکے تھے۔ کپتان شان مسعود  نے ایک نصف سینچری کے ساتھ 105، آغا سلمان نے 120 اور بائیں ہاتھ کے جارح مزاج اوپنر صائم ایوب نے 2 نصف سینچریوں کے ساتھ 135 رنز اسکور کیے تھے۔

سب سے مایوس کن پرفارمنس 24 سال کے عبداللہ شفیق کی رہی تھی، جنہوں نے 2,37,0,3 کی چار باریوں کے ساتھ سیریز میں صرف 42 رنز بنائے تھے۔

البتہ ٹیم منیجمنٹ نے انگلینڈکے خلاف ملتان ٹیسٹ میں ابتدائی سات نمبروں کے لیے عبداللہ شفیق ،صائم ایوب، شان مسعود ( کپتان ) بابر اعظم ،سعود شکیل ، محمد رضوان (وکٹ کیپر )  اور  آغا سلمان کے ساتھ جا نے کا ہی فیصلہ کیا ہے۔

پاکستان کیخلاف پہلے ٹیسٹ سے قبل انگلش ٹیم کو بڑا دھچکا

پاکستان اور انگلینڈ کے درمیان پہلا ٹیسٹ میچ 7 اکتوبر سے ملتان میں شروع ہوگا

ٹیم میں کوئی گروپنگ نہیں، سب کا مورال بلند ہے، انگلینڈ کیخلاف اچھا فنش کرنا ہے: سعود

کپتان کے پاس دیکھنے کے لیے زیادہ چیزیں ہوتی ہیں، نائب کپتان پر اس طرح کا دباؤ نہیں ہوتا، بنگلا دیش کی سیریز ماضی کا حصہ ہے اب ہمارا فوکس آگے ہے: سعود شکیل