غزہ جنگ کو ایک سال مکمل، حماس نے تل ابیب پر پھر راکٹ داغ دیے

فلسطینی مزاحمتی تنظیم حماس نے غزہ جنگ کو ایک سال مکمل ہونے پر ایک بار پھر اسرائیل پر راکٹوں سے حملہ کیا ہے۔ 

حماس کے القسام بریگیڈ نے آج غزہ جنگ کو ایک سال مکمل ہونے کے موقع پر اسرائیلی شہر تل ابیب پر راکٹوں سے حملہ کیا جس  میں دو اسرائیلی خواتین زخمی ہوئیں۔ 

اسرائیلی فوج کا کہنا ہے کہ خان یونس کے علاقے سے وسطی اسرائیل میں 5 راکٹ فائر کیے گئے۔ 

عرب میڈیا کے مطابق اگست کے بعدکسی بڑے اسرائیلی شہرپر فلسطینی گروپ کا یہ پہلاحملہ ہے۔ 

دوسری جانب حزب اللہ نے بھی  شمالی اسرائیل میں اسرائیلی فوجی اورفوجی گاڑیوں کومیزائلوں سےنشانہ بنایا جب کہ حزب اللہ نے آج اسرائیل کے ساحلی شہر حیفا پر راکٹوں سے حملہ کیا جس کے نتیجے میں 10 اسرائیلی زخمی ہوئے۔ 

واضح رہے غزہ جنگ کو آج ایک سال مکمل ہوگیا ہے اور غزہ میں ہونے والے اسرائیلی حملوں میں اب تک تقریباً 42 ہزار فلسطینی شہید اور 97 ہزار  زخمی ہوچکے ہیں۔ 

غزہ جنگ کو ایک سال مکمل، 365 دنوں میں کیا کچھ ہوا؟

گزشتہ سال 7 اکتوبر کو شروع ہونے والی غزہ جنگ کو آج ایک سال مکمل ہوگیا ہے اور اب یہ جنگ غزہ اور اسرائیلی سے نکل کر لبنان تک پھیل گئی ہے

حزب اللہ کے اسرائیلی شہر حیفہ میں راکٹ حملے، 10 افراد زخمی

بیروت میں مزید خوفناک دھماکے سُنے گئے اور درجنوں لبنانی شہید و زخمی ہوگئے