انسداد دہشتگردی عدالت: علیمہ خان اور عظمیٰ خان ایک دن کے ریمانڈ پر پولیس کے حوالے

انسداد دہشتگردی عدالت (اے ٹی سی)  اسلام آباد نے بانی پی ٹی آئی عمران خان کی بہنوں  علیمہ خان اور  عظمیٰ خان کو  ایک دن کے  ریمانڈ  پر  پولیس کے حوالے کردیا۔

اسی عدالت نے وزیراعلیٰ کے پی علی امین گنڈا پور اور  رہنما پی ٹی آئی عامر مغل کے وارنٹ بھی جاری کردیے۔

انسداد دہشتگردی عدالت اسلام آباد  نے علیمہ خان  اور عظمیٰ خان کو کل دن 11 بجے دوبارہ پیش کرنے کا حکم دیا ہے۔

اس کے علاوہ اے ٹی سی اسلام آباد نے سابق اسپیکر قومی اسمبلی اسد قیصر کے بھائی عدنان خان کا 7 دن کا جسمانی ریمانڈ منظور کرلیا۔

انسداد دہشتگردی عدالت نے  پی ٹی آئی رہنما اعظم سواتی کو 3 دن کے جسمانی ریمانڈ پر پولیس کے حوالے کردیا۔

ادھر  اے ٹی سی پنڈی نے تھانہ نصیر آباد کے علاقے سے گرفتار پی ٹی آئی کے 17 کارکنوں میں سے ایک کے خلاف کیس ڈسچارج کردیا۔ دیگر 16 کے خلاف فیصلہ محفوظ کرلیا۔

عمران خان کی بہنیں علیمہ اور عظمیٰ جسمانی ریمانڈ پر پولیس کے حوالے

عدالت نے علیمہ خان، عظمیٰ خان کوکل انسداددِہشتگردی عدالت پیش کرنے کا حکم دیا ہے

عمران خان کی بہنوں علیمہ خان اور عظمیٰ خان کو ڈی چوک سے گرفتار کرلیا گیا

پاکستان تحریک انصاف کی جانب سے ڈی چوک میں احتجاج کا اعلان کیا گیا ہے