ڈی چوک میں پی ٹی آئی کا احتجاج، عمران خان کیخلاف مزید 5 مقدمات درج

اسلام آباد:4 اکتوبر کو ڈی چوک میں پی ٹی آئی کے احتجاج کے معاملے پر عمران خان کے خلاف مزید 5 مقدمات درج کرلیےگئے۔

عمران خان کے علاوہ وزیراعلیٰ کے پی علی امین گنڈا پور  اور  سابق وزیراعلیٰ گلگت بلتستان خالد خورشید بھی 2 مقدمات میں نامزد کیےگئے ہیں۔

پی ٹی آئی اسلام آباد  کے صدر عامر مسعود مغل کے خلاف ترنول میں مقدمہ درج کیا گیا ہے۔ تھانہ ترنول میں درج مقدمے میں علی امین، بانی پی ٹی آئی سمیت 34 افراد کو نامزد کیا گیا ہے۔

راولپنڈی احتجاج، عمران خان اور علی گنڈاپور کیخلاف بھی دہشتگردی کا مقدمہ درج

ہفتے کے روز پی ٹی آئی کی جانب سے لیاقت باغ راولپنڈی میں احتجاج کیا گیا تھا اور اس دوران ان کی پولیس سے جھڑپیں بھی ہوئی تھیں

تھانہ ترنول میں درج مقدمے میں 350 نامعلوم افراد کو بھی نامزد کیا گیا ہے۔ مقدمہ دہشت گردی سمیت 13 دفعات کےتحت درج کیا گیا ہے۔

تھانہ کراچی کمپنی میں بھی 8 سنگین دفعات کےتحت مقدمہ درج کیا گیا ہے جس میں بانی پی ٹی آئی، بیرسٹر گوہر  اور  بیرسٹر سیف کو  نامزد کیا گیا ہے۔ مقدمےمیں اعظم سواتی اور  خالد خورشید  پر مالی معاونت کا الزام ہے۔ مقدمے میں 20  دیگر افراد  سمیت 250 نامعلوم  افراد کو  بھی نامزد کیا گیا ہے۔

تھانہ رمنا میں 6 سنگین دفعات کے تحت مقدمہ درج کیا گیا ہے جس میں بانی پی ٹی آئی سمیت 50 نامعلوم افراد کو نامزد کیا گیا ہے۔

لیاقت باغ احتجاج: پی ٹی آئی کے 58 رہنماؤں کے خلاف مقدمہ درج، دہشتگردی کی دفعات شامل

درج مقدمے میں دہشتگردی، اقدام قتل، توڑپھوڑ اورکارسرکار میں مداخلت کی دفعات شامل کی گئی ہیں

تھانہ گولڑہ  میں بھی 6 سنگین دفعات کےتحت مقدمہ درج کیا گیا ہے جس میں بانی پی ٹی آئی سمیت 32 افراد کو نامزد کیا گیا ہے۔ مقدمے میں 200 نامعلوم ملزمان کو بھی نامزد کیا گیا ہے۔

تھانہ آئی نائن میں 10 سنگین دفعات کے تحت مقدمہ درج کیا گیا ہے۔ مقدمے میں بانی پی ٹی آئی اور  علی مین گنڈاپور کو  نامزد کیا گیا ہے۔ سابق وزیراعلیٰ گلگت بلتستان اور پی ٹی آئی رہنما ملک عامر سمیت 19 افراد کو نامزد کیا گیا ہے۔ مقدمے میں 300 نامعلوم افراد کو بھی نامزد کیا گیا ہے۔