08 اکتوبر ، 2024 
کراچی ائیرپورٹ دھماکا: حملہ آور نے سول انجینئرنگ میں ڈپلومہ کررکھا تھا، تفصیلات سامنے آگئیں
08 اکتوبر ، 2024
کراچی:ائیرپورٹ سگنل پر دھماکے کے حملہ آورکی تفصیلات سامنے آگئیں۔
تفتیشی حکام کے مطابق حملہ آورنے نوشکی کے سرکاری اسکول سے 2016 میں میٹرک کیا اور منڈی بہاوالدین کےٹیکنیکل کالج سےسول انجینئرنگ کاڈپلومہ حاصل کیا۔
تفتیشی حکام کا بتانا ہے کہ حملہ آور نے لسبیلہ یونیورسٹی آف ایگریکلچرمیں بی بی اے میں داخلہ لیا۔
دوسری جانب کراچی ائیرپورٹ سگنل دھماکے میں اس سے قبل آج دیگر اہم تفصیلات بھی سامنے آئی تھیں جس میں بتایا گیا تھا کہ تفتیشی حکام نے 6 مشکوک نمبرزکاڈیٹا حاصل کرلیا ہے جب کہ 9 مشکوک افراد کو بھی حراست میں لیا گیا ہے۔
واضح رہےکہ 6 اکتوبر کی رات کراچی ائیرپورٹ کے قریب غیر ملکیوں کے قافلے پر خودکش حملہ کیا گیا تھا جس میں دو چینی شہریوں سمیت تین افراد ہلاک ہوئے تھے۔
