پاکستان کرکٹ بورڈ نے نیا عہدہ متعارف کرا دیا، اشتہار جاری

پاکستان کرکٹ بورڈ ( پی سی بی) نے ہیڈ آف یوتھ ڈیویلپمنٹ کا عہدہ متعارف کرا دیا۔

پی سی بی نے ہیڈ آف یوتھ ڈیویلپمنٹ کی تلاش شروع کر دی ہے جس کے لیے اشتہار بھی جاری کر دیا گیا ہے۔

ہیڈ آف یوتھ ڈویلپمنٹ کی انڈر 13 سے لے کر انڈر 19 تک کرکٹ کی ڈیویلپمنٹ کو پروموٹ کرنے کی ذمہ داری ہوگی۔

ہیڈ آف یوتھ ڈیویلپمنٹ ملک بھر میں ٹیلنٹ کی تلاش کے لیے ریجنل اکیڈمیز، کوچز اور ایسوسی ایشنز کے ساتھ کام کرے گا۔

ہیڈ آف یوتھ ڈیویلپمنٹ کے لیے پی سی بی لیول 2 ایکریڈیشن کے ساتھ کم از کم 50 ٹیسٹ یا ون ڈے انٹرنیشنل میچز کا کھیلنا ضروری قرار دیا گیا ہے۔

پی سی بی کی چیمپئنز ٹرافی کے فائنل کے بارے میں برطانوی اخبار کے دعوے کی سختی سے تردید

برطانوی اخبار نے خبر دی ہے کہ آئی سی سی چیمپئنز ٹرافی میں بھارت کے فائنل میں پہنچنے کی صورت میں فائنل پاکستان سے باہر کھیلا جائے گا۔

ہیڈ آف یوتھ ڈیویلپمنٹ گراس روٹ اسٹرکچر کو بنانے کے ساتھ ملک بھر سے نوجوان ٹیلنٹ کی تلاش کرے گا۔

پی سی بی کے مطابق ہیڈ آف یوتھ ڈیویلپمنٹ کے عہدے کے لیے امیدوار 24 اکتوبر تک درخواستیں جمع کراسکتے ہیں۔

ہیڈ آف یوتھ ڈیویلپمنٹ کے لیے نامور سابق کرکٹرز کو لانے کی تیاری کی جارہی ہے۔اس حوالے سے چیئرمین پی سی بی کی حال ہی میں سابق کرکٹرز کے ساتھ ملاقاتیں بھی ہوچکی ہیں۔

ذرائع کے مطابق ہیڈ آف یوتھ ڈیویلپمنٹ کے عہدے کے لیے اظہر علی مضبوط امیدوار ہیں۔