13 اکتوبر ، 2024 
پاکستان
شواہد جمع کرلیے گئے ہیں، مزید تحقیقات جاری ہیں: پولیس__فوٹو: فائل
شادی میں ہوائی فائرنگ کیلئے جیب سے پستول نکالنے والا نوجوان اپنی ہی گولی سے جاں بحق
13 اکتوبر ، 2024
راولپنڈی کے علاقے چوہڑ چوک میں شادی کی تقریب میں فائرنگ کی غرض سے پستول لانے والا نوجوان جاں بحق ہوگیا۔
تھانہ ویسٹریج پولیس کے مطابق جاں بحق نوجوان کی شناخت 17سالہ محمد راعیش کے نام سے ہوئی، جو دوست کی شادی پرفائرنگ کے لیے پستول لےکرگیا تھا۔
پولیس نے بتایا کہ پستول نکالنے کے دوران ٹانگ پر گولی لگنے سے نوجوان زخمی ہوگیا تاہم زیادہ خون بہہ جانےسے نوجوان دم توڑ گیا جسے اسپتال منتقل کردیا گیا۔
پولیس کا کہنا ہے کہ شواہد جمع کر لیے گئے ہیں، واقعے کی مزید تحقیقات جاری ہیں۔
