14 اکتوبر ، 2024 
یو اے ای کےگروپ کا کراچی اور لاہور کے ائیرپورٹس کی آؤٹ سورسنگ میں دلچسپی کا اظہار
14 اکتوبر ، 2024
کراچی: متحدہ عرب امارات (یو اے ای) کے ایک گروپ نےکراچی اور لاہورکے ائیرپورٹس کی آؤٹ سورسنگ میں دلچسپی کا اظہار کیا ہے۔
ذرائع کا بتانا ہے کہ یو اے ای کے اے ڈی پورٹس گروپ کے ایم ڈی کیپٹن محمدجمعہ الشمسی نے وزارت ہوابازی سے رابطہ کرکے کراچی اورلاہور ائیرپورٹ پرمسافروں کاسالانہ کا ڈیٹامانگا ہے۔
ذرائع وزارت ہوا بازی کے مطابق یو اےای گروپ نےکراچی، لاہور ائیرپورٹس کےکارگوبزنس سمیت 35 سوالات وزارت ہوابازی کوبھیجے ہیں جن میں دونوں ائیرپورٹس پرملازمین کی تعداد اور سالانہ بزنس کےحجم سے متعلق ڈیٹامانگا گیاہے۔
ذرائع کا کہنا ہے کہ یو اے ای گروپ گورنمنٹ ٹو گورنمنٹ موڈکے تحت کراچی اورلاہور ائیرپورٹس کو لینےمیں دلچسپی رکھتاہے، اس حوالے سے اے ڈی پورٹس گروپ کے وفد کو لاہور اورکراچی ائیرپورٹس کا دورہ بھی کرایا گیا ہے جب کہ ٹرمینل ہولڈنگ گروپ اے ڈی پورٹس کو تکنیکی معاونت بھی دے گا۔
ذرائع کا بتانا ہے کہ ترکیہ کے گروپ نے بھی کراچی اور لاہور ائیرپورٹس کی آوٹ سورسنگ میں دلچسپی کا اظہار کیا ہے جب کہ اس سے قبل اسلام آباد ائیرپورٹ کی آؤٹ سورسنگ کے لیے ترکیہ کی کمپنی کی دستاویز اور بولی کو تکنیکی طور پر منظورکرلیا گیا ہے۔
مزید خبریں :
روپے کے مقابلے ڈالر کی قدر میں کمی
11 گھنٹے پہلے
پاکستان اسٹاک ایکسچینج کے 100 انڈیکس میں مزید کمی
11 گھنٹے پہلے
ملک میں سونےکی قیمت میں اضافہ ہوگیا
12 گھنٹے پہلے
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
