17 اکتوبر ، 2024 
حکومت 5 بند کی جانے والی آئی پی پیز کو 72 ارب روپے ادا کرے گی
17 اکتوبر ، 2024
اسلام آباد: وفاقی حکومت 5 بند کی جانے والی آئی پی پیز کو تقریباً 72 ارب روپے کی ادائیگیاں کرے گی ۔
وفاقی حکومت نے بند کی جانے والی آئی پی پیز کو 72 ارب روپےدینے فیصلہ کیا ہے۔
جیو نیوز کے مطابق جن آئی پی پیز کو ادائیگی کی جائے گی ان میں سب سے زیادہ ساڑھے 36 ارب روپے حبکو کو ادا کیے جائیں گے۔
پاور سیکٹر ذرائع کے مطابق بند کی جانے والی 5 آئی پی پیز میں سےحبکو کو 36 ارب 50 کروڑ اور روش پاور کو ساڑھے 15 ارب روپے کی ادائیگی کی جائے گی۔
پاور حکام کے مطابق اے ای ایس لال پیرکو 12ارب 80 کروڑ روپے اور 'اٹلس پاور کو 6 ارب روپے ادا کیے جائیں گے جب کہ صبا پاور کو ایک ارب روپے دیے جائیں گے۔
پاور سیکٹر ذرائع کا بتانا ہے کہ بند کیے جانیوالے ان تمام پاور پلانٹس کی مجموعی پیداواری صلاحیت 2400 میگاواٹ ہے۔
واضح رہے کہ حکومت نے چند روز قبل 5 آئی پی پیز سے معاہدے ختم کرنے کا فیصلہ کیا تھا اور اس حوالے سے آئی پی پیز نے بجلی خریدنے کے معاہدوں کے خاتمے کی دستاویزات پر دستخط بھی کردیے ہیں۔
مزید خبریں :
روپے کے مقابلے میں ڈالر سستا ہوگیا
4 گھنٹے پہلے
سونا مسلسل مہنگا، ایک بار پھر قیمت میں بڑا اضافہ
6 گھنٹے پہلے
طیارہ سازی کی صنعت میں پاکستان ایک قدم مزید آگے
9 گھنٹے پہلے
روف سولر پینل ٹیرف میں کمی پر غور
21 نومبر ، 2024
ملک میں آج ڈالر کی قیمت کیا رہی؟
20 نومبر ، 2024
