17 اکتوبر ، 2024 
اسرائیل کا لبنانی شہر نباتیہ کی میونسپل بلڈنگ پر حملہ، میئر سمیت 16 افراد جاں بحق
17 اکتوبر ، 2024
بیروت: اسرائیل کے لبنانی شہر نباتیہ کی میونسپل بلڈنگ پر حملے میں شہر کے میئر سمیت 16 افراد جاں بحق ہوگئے۔
عرب میڈیا کے مطابق اسرائیلی فوج نے گزشتہ روز نباتیہ شہر کی میونسپل بلڈنگ پر جنگی طیاروں سے حملہ کیا اور عمارت کو مکمل طور پر تباہ کردیا جس کے نتیجے میں 16 افراد جان سے چلے گئے۔
لبنانی حکام کے مطابق اسرائیلی حملے میں 50 سے زائد افراد زخمی بھی ہوئے جنہیں طبی امداد کے لیے ریسکیو حکام نے اسپتال منتقل کیا۔
دوسری جانب امریکی حکام نے یمنی حوثی باغیوں پر حملے کا دعویٰ کرتے ہوئے کہا ہے کہ انہوں نے حوثیوں کے زیر زمین موجود 5 اسلحہ گوداموں کو نشانہ بنایا۔
امریکی فوج کا کہنا ہےکہ زیر زمین گوداموں کو نشانہ بنانے کےلیے بی ٹو (B-2) بمبر طیاروں سے کا استعمال کیا گیا جو زیر زمین اہداف کو نشانہ والے میزائل فائر کرنے کی صلاحیت رکھتا ہے۔
مزید خبریں :
ترک وزیر خارجہ کا شام کا دورہ، محمد الشرع سے ملاقات کی
22 دسمبر ، 2024
البانیہ نے ٹک ٹاک پر ایک سال کیلئے پابندی لگا دی
22 دسمبر ، 2024
