پی ٹی آئی کے 2 سینیٹرز حکومت کو پیارے ہو گئے

پاکستان تحریک انصاف کے چیئرمین  بیرسٹر گوہر کا کہنا ہے کہ پی ٹی آئی کے 2 سینیٹرز حکومت کو پیارے ہو گئے ہیں۔

اڈیالہ جیل میں عمران خان سے ملاقات کے بعد بیرسٹر گوہر نے خدشے کا اظہار کرتے ہوئے کہا کہ سینیٹر فیصل سلیم اور  زرقا تیمور شاہد حکومت کو پیارے ہو گئی ہیں اور  شاید دونوں آئینی ترامیم کے حق میں ووٹ ڈالیں گے، ہم اس کی مذمت کرتے ہیں،  لوگوں کو ایسے اٹھانا جمہوریت نہیں ہے۔

انہوں نے کہا کہ بانی پی ٹی آئی سے مشاورت ادھوری رہی، آئینی ترامیم پر مشاورت جاری تھی کہ پولیس نے کہہ دیا ’ملاقات کا وقت ختم ہوگیا‘، بانی کی واضح ہدایات تک آئینی ترامیم پر ووٹ نہیں دیں گے۔ 

بیرسٹر گوہر نے مزید کہا کہ بانی پی ٹی آئی سے ابتدائی گفتگو ان کی صحت اور جیل کے حالات پر ہوئی، بانی پی ٹی آئی کا پیغام ہے 100 سال بھی جیل میں گزارنا پڑا تو گزاروں گا۔

پی ٹی آئی نے آج کا دن مانگا ہے، ہم انکے جواب کا انتظار کر رہے ہیں: فضل الرحمان

مجھے یقین ہے پی ٹی آئی مثبت انداز میں جواب دے گی اور امید ہے مولانا فضل الرحمان پی ٹی آئی کو بھی قائل کر لیں گے: بلاول بھٹو زرداری

وفاقی کابینہ 26 ویں آئینی ترمیم کا مسودہ آج منظور کرے گی

کابینہ کا اجلاس آج دوپہر ڈھائی بجے دوبارہ ہوگا، بعض تبدیلیوں کے بعد کابینہ سے ترمیمی بل کی منظوری آج لی جائے گی، وفاقی وزیر قانون اعظم نذیر تارڑ