عراقی فورسز کی کارروائی میں داعش سربراہ سمیت اعلیٰ قیادت ہلاک

عراقی فورسز نے عالمی دہشت گرد  تنظیم داعش کے سربراہ سمیت 9 کمانڈروں کو ہلاک کردیا۔

عراقی وزیر اعظم محمد شیاع السودانی نے سوشل میڈیا اکاؤنٹ پر اعلان کرتے ہوئے بتایا کہ عراق کے انسداد دہشت گردی ادارے نے انٹیلیجنس رپورٹ کی روشنی میں شمال مشرقی پہاڑی علاقہ حمرین میں داعش کے خلاف کارروائی کی۔

عراقی فورسز نے کارروائی کرتے ہوئے داعش کے خفیہ ٹھکانے پر دھاوا بولا اور  فائرنگ کے تبادلے میں عراق میں داعش کے والی جسم المزروعی عرف ابو عبدالقادر اور اس کے  8 ساتھیوں کو  ہلاک کردیا۔

عراقی وزیر اعظم نے بتا کہ کارروائی کے دوران داعش کے دو ٹھکانوں کو بھی تباہ کردیا گیا۔

یاد رہےکہ داعش کے سابق سربراہ ابوبکرالبغدادی کی ہلاکت شام میں نومبر 2019 کو امریکی فوج کے حملے میں ہوئی تھی۔

عراقی عدالت نے داعش کے سابق سربراہ ابوبکر البغدادی کی بیوہ کو سزائے موت سنادی

عراقی عدالت نے ابوبکرالبغدادی کی بیوہ کو داعش کے ساتھ کام کرنے اور خواتین کو اپنے گھر پر قید رکھنے کے جرم میں سزاسنائی۔

داعش کے سربراہ ابوبکر البغدادی امریکی حملے میں ہلاک

امریکی صدر ڈونلڈ ٹرمپ نے ابوبکر البغدادی کی ہلاکت کی تصدیق کرتے ہوئے اسے ایک انتہائی خطرناک مشن قرار دیا ہے