28 اکتوبر ، 2024 
میرا نے نادیہ خان کو 10لاکھ روپے دینے کی پیشکش کیوں کی؟ میزبان کا انکشاف
28 اکتوبر ، 2024
پاکستان کی نامور مارننگ شو میزبان نادیہ خان نے انکشاف کیا ہے کہ انہیں اداکارہ میرا نے یوٹیوب چینل بنانے کے لیے پیسوں کی پیشکش کی تھی۔
حال ہی میں نادیہ نے جیو نیوز کے پروگرام 'ہنسنا منع ہے' میں شرکت کی جس میں انہوں نے میرا سے متعلق دلچسپ قصہ مداحوں کے ساتھ شیئر کیا۔
میزبان نے کہا کہ میرا، بڑا پرانا ساتھ ہے میرا کے ساتھ اور میں نے ان کی زندگی میں کئی اتار چڑھاؤ دیکھے، ان کے بہت سے انٹرویوز بھی کیے ہیں، وہ بہت مزے کی ہیں، جب بھی شوز میں آتی ہیں کچھ نا کچھ لازمی ہوتا ہے۔
نادیہ نے بتایا کہ ابھی کچھ روز قبل وہ مجھے ترکی میں ملیں اور مل کر رونے لگیں، مجھے ان کا کچھ نہیں پتا ہوتا کہ وہ کب کیا کردیں۔
انہوں نے پروگرام میں انکشاف کیا اس سے قبل ایک ملاقات میں میرا نے مجھ سے کہا میں تمہیں 10 لاکھ روپے دوں گی تم میرا یوٹیوب چینل بنا دو۔
نادیہ کے مطابق میرا کی اس بار پر میں نے کہا میں ویسے ہی بنا دوں گی تو انہوں نے اصرار کیا کہ نہیں میں تمہیں دوں گی 10 لاکھ روپے تم نے زبردست کا چینل بنا کے دینا ہے۔
