28 اکتوبر ، 2024 
پاکستان
علیمہ خان نے یہ الزام بھی لگایا کہ تین ہفتے بعد بانی پی ٹی آئی کو ورزش کے لیے سائیکل دی گئی ہے،فوٹو: فائل
جیل میں دیےگئےکھانے سے عمران خان کو الٹیاں ہوئیں: علیمہ خان
28 اکتوبر ، 2024
راولپنڈی: بانی پی ٹی آئی عمران خان کی بہن علیمہ خان نےکہا ہےکہ 3 اکتوبر سے بانی پی ٹی آئی کے سیل کی بجلی کاٹی گئی، انہیں دیے جانے والے کھانے سے الٹیاں ہوئی ہیں۔
اڈیالا جیل کے باہر میڈیا سے گفتگو میں علیمہ خان کا کہنا تھا کہ عمران خان سے مل کے صبر آگیا ہے، عمران خان نے بتایا ان کے ساتھ کیا سلوک کیا گیا۔
علیمہ خان کے مطابق 3 اکتوبر سے عمران خان کے سیل کی بجلی کاٹی گئی، اخبار ٹی وی سب بند کردیا گیا تھا، عمران خان کو دیے جانے والےکھانے سے انہیں الٹیاں ہوئی ہیں۔
علیمہ خان نے یہ الزام بھی لگایا کہ تین ہفتے بعد بانی پی ٹی آئی کو ورزش کے لیے سائیکل دی گئی ہے۔
مزید خبریں :
