30 اکتوبر ، 2024 
'یہ آنٹی صاحبہ ہیں کون'، سارا رضا کی تنقید پر آئمہ بیگ کا سخت ردعمل
30 اکتوبر ، 2024
پاکستان کی نامور گلوکارہ آئمہ بیگ سارا رضا کی جانب سے کی جانے والی تنقید کے بعد میدان میں آگئیں۔
حال ہی میں سارا رضا خان کے کچھ ویڈیو کلپس سوشل میڈیا پر وائرل ہوئے جو کہ ایک انٹرویو کے ہیں۔
یک سوال کا جواب دیتے ہوئے گلوکارہ نے کہا تھا کہ اگر آٹو ٹیون کا آپشن نکال دیا جائے تو پھر آئمہ بیگ گلوکارہ نہیں رہیں گی، وہ بالکل بھی گلوکارہ نہیں ہے، اس طرح اور بھی بہت سارے نام آتے ہیں جو آٹو ٹیون کے بغیر کچھ نہیں۔
انہوں نے مثال دیتے ہوئے کہا کہ اگر میں فلم بناؤں تو آئٹم سانگ کیلئے میں مہوش حیات کو ہی لوں گی لیکن میں مہوش حیات سے گانا گانے کا نہیں بولوں گی۔
آئمہ بیگ کا ردعمل:
اب آئمہ بیگ نے سارا رضا کے وائرل کلپ کے بعد اپنے انسٹاگرام پر متعدد اسٹوریز شیئر کیں جو ان کے مداحوں سمیت انڈسٹری کے معروف لوگوں نے گلوکارہ کے لیے شیئر کی تھیں۔
ان اسٹوریز میں آئمہ کی گلوکاری کی صلاحیتوں کو سراہا گیا اور سارا رضا کے بیان کی مذمت کی گئی۔
آئمہ نے خود بھی ایک گانا گاتے ہوئے اسٹوری پوسٹ کی اور طنزیہ لکھا 'کیا کوئی مجھے یہاں آٹو ٹیونر دے گا؟'
ایک اور اسٹوری میں گلوکارہ نے سارا رضا پر طنز کے تیر برسائے اور ان کے منفی تبصروں کا بھرپور جواب دیا۔
آئمہ نے لکھا اللہ نے جس کو جتنا ٹیلنٹ دیا بھائی ہمیں قبول ہے اور مجھے کوئی یہ بتادے کہ یہ آنٹی صاحبہ ہیں کون؟ دراصل چھوڑو، میں تو اپنی چھٹیاں انجوائے کروں۔
مزید خبریں :
سلمان خان کو قتل کی دھمکیاں دینے والا نوجوان گرفتار
29 اکتوبر ، 2024
بابا صدیقی کا قتل: ذیشان صدیقی کا سلمان خان سے متعلق انکشاف
29 اکتوبر ، 2024
ارجن کپور نے ملائیکہ اروڑا سے علیحدگی کی تصدیق کردی، ویڈیو وائرل
29 اکتوبر ، 2024
