30 اکتوبر ، 2024 
عمران خان کی اہلیہ بشریٰ بی بی زمان پارک لاہور پہنچ گئیں
30 اکتوبر ، 2024
پاکستان تحریک انصاف کے بانی عمران خان کی اہلیہ بشریٰ بی بی لاہور پہنچ گئیں۔
ذرائع کے مطابق بانی پی ٹی آئی کی ہدایت پر بشریٰ بی بی زمان پارک پہنچیں اور وہ زمان پارک میں بانی کی رہائشگاہ میں قیام کریں گی۔
ذرائع نے بتایاکہ بشریٰ بی بی نے لاہورآمد سے قبل بانی پی ٹی آئی سےملاقات بھی کی۔ قریبی ذرائع کے مطابق بشریٰ بی بی لاہور میں اپنے دانتوں کا معائنہ بھی کرائیں گی، انہیں کئی سال سے مسوڑھوں کا درد لاحق ہے، دورانِ قید بھی انھیں دانتوں کے درد کی شکایت رہتی تھی۔
بشریٰ بی بی کی زمان پارک آمد کےموقع پر لاہور پولیس نے سکیورٹی کے سخت انتظامات کر رکھے تھے، پولیس حکام نے بانی پی ٹی آئی کی رہائش گاہ کے اطراف رکاوٹیں کھڑی کرکے نفری تعینات کر دی ہے۔
خیال رہے کہ گزشتہ دنوں جیل سے رہائی کے بعد بشریٰ بی بی خیبرپختونخوا کے دارالحکومت پشاور چلی گئیں تھیں۔
