01 نومبر ، 2024 
جاپان میں سائیکل چلاتےوقت موبائل استعمال کرنے والوں کو سزا دینے کا فیصلہ
01 نومبر ، 2024
ٹوکیو: جاپان کی حکومت نے نئی قانون سازی کے تحت سائیکل چلاتے ہوئے موبائل فون استعمال کرنے والوں کو جیل بھیجنے کا فیصلہ کیا ہے۔
برطانوی نشریاتی ادارے (بی بی سی)کے مطابق جاپانی حکومت کی جانب سے کی گئی نئی قانون سازی کے تحت سائیکل چلاتے ہوئے موبائل فون استعمال کرنے والوں کو جرمانے کے ساتھ ساتھ اب کم از کم 6 ماہ کے لیے جیل بھیجا جائے گا۔
رپورٹ کے مطابق نئے قوانین کے تحت حادثات کا باعث بننے والے سائیکل سواروں کو 1500 سے 2 ہزار ڈالر تک جرمانہ ہوگا جب کہ 6 ماہ سے ایک سال تک جیل بھیجا جاسکے گا۔
2021 میں کورونا وبا کے بعد سے جاپان میں سائیکلوں کے استعمال میں اضافہ ہوا ہے اور لوگوں نے پبلک ٹرانسپورٹ کو استعمال کرنا کم کردیا تھا جس کے بعد سائیکلوں سے ہونے والے ٹریفک حادثات میں اضافہ ہوا۔
جاپان کے مقامی میڈیا کے مطابق ملک میں ہونے والے ٹریفک حادثات میں کمی دیکھنے میں آئی ہے مگر سائیکل سے ہونے والے حادثات میں اضافہ ہوا ہے اور صرف 2023 میں 72 ہزار سے زائد سائیکلوں کو حادثات پیش آئے۔
مزید خبریں :
بھارت میں 48 گھنٹوں میں 8 ہاتھیوں کی موت معمہ بن گئی
7 گھنٹے پہلے
اسرائیلی شہر حیفا پر حزب اللہ کا راکٹ حملہ، 2 اسرائیلی ہلاک
31 اکتوبر ، 2024
لبنان سے شمالی اسرائیل پر ہونیوالے راکٹ حملے میں 5 افراد ہلاک
31 اکتوبر ، 2024
