03 نومبر ، 2024 
سری لنکا نے ہانگ کانگ سپر سکسز کا ٹائٹل جیت لیا
03 نومبر ، 2024
مونگ کاک: سری لنکا نے ہانگ کانگ سپر سکسز کا ٹائٹل جیت لیا۔
ہانگ کانگ سپر سکسز کے فائنل میں سری لنکا نے پاکستان کو 3 وکٹ سے شکست دی۔
پاکستان نے پہلے بیٹنگ کرتے ہوئے مقررہ 6 اوورز میں 6 وکٹ پر 72 رنزبنائے تھے۔
پاکستان کی جانب سے محمد اخلاق 48 رنز بناکر نمایاں رہے۔کپتان فہیم اشرف 13 رنز بنا کر آؤٹ ہوئے۔ عامریامین 6، حسین طلعت اور شہاب خان نے ایک ایک رن بنایا۔ اوپنر آصف علی صفرپر آؤٹ ہوئے۔
سری لنکا کے دھننجایا لکشن اور تھارندو رتنایاکے نے دو، دو وکٹیں لیں۔
سری لنکا نے 73 رنز کا ہدف 3 وکٹ کے نقصان پر حاصل کرلیا اور فائنل میں پاکستان کو 3 وکٹ سے شکست دی۔
سری لنکا کی جانب سے تھارندو رتنایاکے 16 رنزبنا کر ناقابل شکست رہے۔ سندون ویرکوڈی 34 رنز بنا کر نمایاں رہے۔ لہیرو مدھوسنکا نے 19 رنزبنائے۔
