امریکی صدارتی انتخابات: بین الاقوامی خلائی اسٹیشن پر موجود خلا باز ووٹ کیسے کاسٹ کریں گے؟

امریکا میں 5 نومبر کو ملک کے نئے صدر کے انتخاب کے لیے ووٹنگ ہوگی۔

امریکا میں جہاں اکثر لوگ 5 نومبر کو ہی ووٹ کاسٹ کریں گے وہیں ایک بڑی تعداد قبل از وقت بھی ووٹ کاسٹ کرچکی ہے اور کچھ ڈاک کے ذریعے بھی اپنے بیلٹ پُر کرکے متعلقہ اتھارٹی کو بھیج چکے ہیں۔

لیکن کیا زمین سے سیکڑوں میل اوپر خلا میں بین الاقوامی خلائی اسٹیشن پر موجود امریکی خلا باز ان صدارتی انتخابات میں ووٹ کاسٹ کریں گے؟

اس سوال کا جواب ہے ’ہاں‘، امریکی خلا باز بھی صدارتی انتخابات میں ووٹ کاسٹ کریں گے، اور ایسا پہلی بار بھی نہیں ہوگا بلکہ خلاز باز پہلے بھی خلائی اسٹیشن سے اپنا ووٹ کاسٹ کرچکے ہیں۔

امریکا میں سال 1997 سے خلا بازوں کے لیے خلا سے اپنا ووٹ کاسٹ کرنے کا طریقہ کار موجود ہے اور سال 2004 سے اب تمام امریکی صدارتی انتخابات میں بین الاقوامی خلائی اسٹیشن پر موجود امریکی خلا بازوں اپنا ووٹ کاسٹ کیا۔

سال 2012 میں ہونے والے انتخابات میں ایسا نہیں ہوسکا تھا کیونکہ اس وقت خلائی اسٹیشن پر جانے والے خلاباز قبل از وقت ووٹ کی سہولت سے فائدہ اٹھاتے ہوئے اپنی روانگی سے پہلے ہی ووٹ کاسٹ کرچکے تھے۔

خلا سے ووٹ کاسٹ کرنے کا طریقہ عام الیکٹرانک ووٹنگ کی نسبت کافی پیچیدہ ہے۔

خلائی اسٹیشن اور ناسا کے درمیان رابطہ نیئر اسپیس نیٹ ورک کے ذریعے ہوتا ہے اور خلابازوں کے الیکٹرانک بیلٹ بھی یہیں سے ہوکر گزرتے ہیں۔

خلا باز بین الاقوامی خلائی اسٹیشن میں اپنے الیکٹرانک بیلٹ کو پُر کرتے ہیں جسے ناسا کی جانب سے انکرپٹ کرکے خلائی اسٹیشن کے کمپیوٹر میں فیڈ کردیا جاتا ہے۔

یہ کمپیوٹر بیلٹ کو  ناسا کے ٹریکنگ اینڈ ڈیٹا ریلے سیٹلائیٹ سسٹم (ٹی ڈی آر ایس ایس) کے ذریعے نیو میکسیکو میں ناسا کی وائٹ سینڈز ٹیسٹ فیسلیٹی کو بھیجتا ہے۔  نیو میکسیکو سے یہ بیلٹ ہیوسٹن میں ناسا کے مشن کنٹرول کو بھیجاجاتا ہے۔

مشن کنٹرول اس بیلٹ کو الیکٹرانک ذریعے سے ہی خلا باز کے کاؤنٹی کلرک کے دفتر کو بھیج دیتا ہے۔ خلا باز اور ان کے کاؤنٹی کلرک کے دفتر کے علاوہ بیلٹ کو کوئی اور نہیں دیکھ سکتا۔

خیال رہے کہ اس وقت بین الاقوامی خلائی اسٹیشن میں موجود 4 امریکی خلابازوں میں بَچ وِلمور اور سنیتا وِلیمز بھی شامل  ہیں جو جون میں 8 روزہ مشن پر خلائی اسٹیشن گئے تھے لیکن اپنے بوئنگ اسٹار لائنر اسپیس کرافٹ میں خرابی کے باعث اب تک وہیں پھنسے ہوئے ہیں۔

صدارتی انتخابات: کروڑوں امریکیوں نے الیکشن سے 2 روز قبل ہی اپنا ووٹ کاسٹ کرلیا

امریکی انتخابات میں ووٹرز کو الیکشن کے دن سے قبل ہی ووٹ ڈالنے کی اجازت ہوتی ہے

8 روزہ مشن پر آئی ایس ایس میں جانے والے خلا باز 2025 تک وہی پھنسے رہ سکتے ہیں، ناسا

یہ دونوں خلا باز جون میں بوئنگ کے اسٹار لائنر کیپسول کی اولین انسان بردار پرواز کے ذریعے آئی ایس ایس میں پہنچے تھے۔