04 نومبر ، 2024 
بھارتی ریاست اترا کھنڈ میں مسافر بس کھائی میں جاگری، 36 افراد ہلاک
04 نومبر ، 2024
بھارتی ریاست اتراکھنڈ میں ایک مسافر بس گہری کھائی میں جاگری جس کے نتیجے میں 36 افراد ہلاک ہوگئے۔
بھارتی میڈیا کے مطابق ریاست اترا کھنڈ کے ضلع الموڑا میں ایک مسافر بس بے قابو ہوکر 200 میٹر گہری کھائی میں جاگری۔
رپورٹ کے مطابق بس میں کل 50 افراد سوار تھے اور بس گولی کھال کے علاقے سے رام نگر جارہی تھی جس دوران اسے حادثہ پیش آیا جس کے نتیجے میں 36 افراد ہلاک اور 19 زخمی ہوگئے۔
حادثے کی اطلاع ملنے پر مقامی افراد اور ریسکیو ٹیمیں جائے حادثہ پہنچ گئیں جہاں زخمیوں کو فوری طبی امداد کے لیے اسپتال منتقل کیا گیا۔
بھارتی میڈیا کے مطابق اتراکھنڈ کے وزیراعلیٰ کی جانب سے حادثے میں ہلاک افراد کے لواحقین کو 4 لاکھ اور زخمیوں کو ایک لاکھ روپے دینے کا اعلان کیا گیا ہے۔
