04 نومبر ، 2024 
ٹیم نے سخت میچ میں زبردست فائٹ کی، محسن نقوی ٹیم کی فائٹنگ اسپرٹ سے خوش
04 نومبر ، 2024
پاکستان کرکٹ بورڈ کے چیئرمین محسن نقوی آسٹریلیا کے خلاف پہلے ون ڈے میں ٹیم کی فائٹنگ اسپرٹ سے خوش ہوگئے۔
پہلے ون ڈے میچ میں آسٹریلیا نے سنسنی خیز مقابلے کے بعد پاکستان کو دو وکٹ سے ہرادیا اور کنگروز نے 204 رنز کا ہدف 34 ویں اوورز میں 2 وکٹوں کے نقصان پر حاصل کیا
پاکستان بولرز نے میچ جیتنے کیلئے جان لگادی، چھوٹا ہدف بھی آسٹریلیا کیلئے مشکل بنادیا۔ حارث رؤف نے 3 ،شاہین آفریدی نے 2 ، نسیم شاہ اور محمد حسنین نے ایک ایک وکٹ لی۔
دوسری جانب پی سی بی چیئرمین محسن نقوی ٹیم کی فائٹنگ اسپرٹ سے خوش ہوگئے۔ ان کا کہنا تھاکہ شاباش ٹیم، ایک شخت میچ میں زبردست فائٹ کی، پلیئرز نے اپنا پورا زور لگا کر ہر ممکن فائٹ کیا۔
انہوں نے کہا کہ یہ پہلا میچ ہی تھا، اعتماد ہے کہ ٹیم کم بیک کرکے ہمارا سر فخر سے بلند کرے گی۔
خیال رہے کہ میلبرن میں ہونے والے پہلے ونڈے میچ میں آسٹریلیا نے پاکستان کو 2 وکٹوں سے شکست دیکر تین میچوں کی سیریز میں ایک صفر کی برتری حاصل کرلی۔
مزید خبریں :
اظہر علی کو پی سی بی میں اہم عہدہ مل گیا
11 گھنٹے پہلے
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
