05 نومبر ، 2024 
پاکستان
مغوی علی عباس کے اغوا کا مقدمہ 26 جولائی کو نارتھ ناظم آباد تھانے میں درج کیا گیا_فوٹو: فائل
لڑکی کی آواز سے ڈاکوؤں کے جھانسے میں آنیوالا ناظم آباد کا شہری شکارپور سے بازیاب
05 نومبر ، 2024
کراچی: نارتھ ناظم آباد کے رہائشی کو اینٹی وائیلنٹ کرائم سیل نے 4 ماہ بعد شکارپور کے بیگاڑی کچے سے برآمد کرالیا۔
جیونیوز کے مطابق مغوی کو اغواکاروں نے وائس چینجر سے لڑکی کی آواز کے ذریعے شکار پور بلایا اور اغواکرکے کچے میں لے گئے۔
مغوی علی عباس کے اغوا کا مقدمہ 26 جولائی کو نارتھ ناظم آباد تھانے میں درج کیا گیا۔
مغوی علی عباس کے اہل خانہ سے 70 لاکھ روپے تاوان مانگا گیا تھا تاہم پولیس نے شکار پور کے بیگاڑی کچے سے مغوی کو بازیاب کرایا۔
پولیس کا بتانا ہے کہ مغوی کو اس کی فیملی کے حوالے کردیا گیا ہے۔
