05 نومبر ، 2024 
'مندر جاکر معافی مانگیں یا 5 کروڑ دیں، ورنہ قتل کردیں گے'، سلمان خان کو نئی دھمکی موصول
05 نومبر ، 2024
ممبئی: بالی وڈ اسٹار سلمان خان کو ایک بار پھر بشنوئی گینگ کی جانب سے قتل کی دھمکی دی گئی ہے۔
بھارتی میڈیا کے مطابق سلمان خان کو ایک بار پھر بشنوئی گینگ کی جانب سے قتل کی دھمکی ملی ہے جس میں ان سے بچاؤ کے لیے 5 کروڑ تاوان دینے یا مندر جاکر معافی مانگنے کا آپشن دیا گیا ہے۔
رپورٹ کے مطابق گزشتہ رات ممبئی پولیس کے ٹریفک سیکشن کو اپنے نمبر پر ایک میسج موصول ہوا جس میں کہا گیا کہ ' لارنس بشنوئی کا بھائی بات کررہا ہوں، اگر سلمان خان زندہ رہنا چاہتے ہیں تو مندر جاکر معافی مانگیں یا پھر یا 5 کروڑ دیں'۔
واٹس ایپ میسج میں مزید کہا گیا کہ اگر سلمان خان نے ہماری بات نہیں مانی تو انہیں قتل کردیں گے اور ہمارا گینگ اب بھی فعال (ایکٹو) ہے۔
خیال رہے کہ بالی وڈ اسٹار سلمان خان کو بشنوئی گینگ کی جانب سے پہلے بھی قتل کی دھمکیاں مل چکی ہیں اور گزشتہ ماہ ہی ان کے قریبی دوست و مسلم سیاستدان بابا صدیقی کو ممبئی میں قتل کیا گیا تھا جس کی ذمہ داری بشنوئی گینگ نے قبول کی تھی۔
اس کے علاوہ گزشتہ ہفتے بھی بھارتی پولیس نے سلمان خان کو قتل کی دھمکیاں دینے والے اور 2 کروڑ تاوان مانگنے والے 2 ملزمان کو بھی گرفتار کیا تھا۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
