05 نومبر ، 2024 
اداکارہ نعیمہ بٹ نے اپنے لمبے گھنے بالوں کا راز بتا دیا
05 نومبر ، 2024
اداکارہ نعیمہ بٹ اپنے لمبے بالوں کی وجہ سے سب کی توجہ کا مرکز بنی ہوئی ہیں اور انہیں انڈسٹری میں بالوں کی وجہ سے 'راپنزل' کا نام بھی دیا گیا ہے۔
لمبے گھنے بال ہونا خواتین کی خواہش ہوتی ہے جس کے لیے وہ کافی جتن کرتی ہیں اور مہنگے پراڈکٹس کے ساتھ ساتھ گھریلو ٹوٹکے بھی آزماتی ہیں۔
ان دنوں اداکارہ نعیمہ بٹ کے بال سب کی توجہ کا مرکز بنے ہوئے ہیں اور لوگ ان کے بالوں کا راز جاننے کی خواہش رکھتے ہیں۔
حال ہی میں اداکارہ نے جیو کے کامیڈی شو ’ہنسنا منع ہے' میں شرکت کی جہاں میزبان تابش ہاشمی نے اداکارہ سے لمبے بالوں کا راز پوچھا۔
اس پر نعیمہ بٹ نے اپنے لمبے بالوں کو اللہ کی طرف سے تحفہ قرار دیا اور بتایا کہ بالوں کا تعلق خاندان سے بھی جڑا ہوتا ہے، جینز میں ہونے کے سبب بال اچھے ہیں۔
اداکارہ نے بتایا کہ اچھی خوراک، زیادہ پانی پینے، وٹامنز کا استعمال اور بالوں کی دیکھ بھال بھی بال لمبے اور گھنے ہونے کی وجہ بنتے ہیں۔
میزبان نے ایک اور سوال پوچھا کہ کیا بالی وڈ کے کنگ شاہ رخ خان کے ساتھ کام کرنے پر بال کٹوادیں گی؟ اس کے جواب میں نعیمہ بٹ نے کہا کہ شاہ رخ خان کیلئے تھوڑے سے بال کٹوا سکتی ہوں۔
واضح رہے کہ اس سے قبل اداکارہ نے انٹرویو میں بتایا تھا کہ انڈسٹری میں ان کے بالوں کی وجہ سے بہت مسائل ہیں، اسٹائلنگ کی وجہ سے بال کاٹنے کا کہا جاتا ہے لیکن وہ ایسی باتوں پر کان نہیں دھرتیں۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
