06 نومبر ، 2024 
ہنی سنگھ کی پاکستانی گلوکار کو کریڈٹ دیکر سرائیکی گانا گانے کی ویڈیو وائرل
06 نومبر ، 2024
بالی وڈ میں پاکستانی گانوں کو ہمیشہ ہی پسند کیا جاتا ہے اور انہیں چرایا بھی جاتا ہے جس کا پاکستانی گلوکاروں کو کوئی کریڈٹ بھی نہیں دیا جاتا۔
تاہم حال ہی میں بھارتی گلوکار و ریپر ہنی سنگھ کی ایک ویڈیو وائرل ہوئی جس میں انہیں پاکستان کی سرائیکی زبان کا مشہور گانا 'بسمہ اللہ کراں' گاتے ہوئے دیکھا گیا۔
اس دوران سب سے توجہ طلب بات یہ تھی کہ گلوکار نے حاضرین کو اس گانے کے اصل گلوکار 'ندیم عباس' کے حوالے سے بتایا اور پاکستانی گلوکار کو کریڈٹ دیتے ہوئے 'بسمہ اللہ کراں' گانا گا کر حاضرین کی داد وصول کی۔
سوشل میڈیا پر وائرل ہونے والی اس ویڈیو میں گلوکار ہنی سنگھ کا ندیم عباس کو کریڈٹ دینا مداحوں کو پسند آیا جس کی مداحوں نے تعریف بھی کی۔
واضح رہے ندیم عباس لونے والا نے 'ندیم عباس لونے والا کے اداس گانے' کے نام سے اپنی البم بنائی تھی اور 'بسمہ اللہ کراں' گانا بھی اسی البم میں شامل تھا جو 2015 میں ریلیز ہوا۔
مزید خبریں :
امریکی انتخابات: اداکارہ ریما نے کسے ووٹ دیا؟
6 گھنٹے پہلے
بالی وڈ اداکار متھن چکرورتی کی پہلی بیوی چل بسیں
05 نومبر ، 2024
بھارتی اداکارہ نے مدینہ منورہ میں نکاح کرلیا، تصاویر وائرل
05 نومبر ، 2024
